အင်္ဂလန် ချန်ပီယံရှစ် ပလေးအော့ဖ် ဆီမီးဖိုင်နယ်မှာ ပြိုင်ဘက် အသင်းကို လျှို့ဝှက်စောင့်ကြည့်ခဲ့မှုကြောင့် ဆောက်သမ်တန်တို့ ပြိုင်ပွဲ ကနေ ထုတ်ပယ်ခံခဲ့ရပါတယ်။ ဒါကြောင့် လက်ရှိ မှာတော့ မစ်ဒယ်ဘရော့ အနေနဲ့ ချန်ပီယံရှစ် ပလေးအော့ဖ် ဗိုလ်လုပွဲမှာ ဟားလ်စီးတီးနဲ့ ရင်ဆိုင်ရတော့မှာ ဖြစ်ပါတယ်။
အင်္ဂလန် ဘောလုံးလိဂ် (EFL) က လာမယ့် စနေနေ့မှာ ယှဉ်ပြိုင်ကစားရမယ့် ချန်ပီယံရှစ် ပလေးအော့ဖ် ဗိုလ်လုပွဲမှာ ဆောက်သမ်တန်ကို စပိုင်လုပ်မှုနဲ့ ပြိုင်ပွဲ ကနေ ထုတ်ပယ်လိုက်ကြောင်း အတည်ပြုခဲ့ပါတယ်။ ဆောက်သမ်တန်က ၂၀၂၅-၂၀၂၆ ဘောလုံးရာသီ အတွင်း ပလေးအော့ဖ် ဆီမီးဖိုင်နယ် ပထမအကျော့ မစ်ဒယ်ဘရော့နဲ့ မကစားမီ အပါအဝင် စုစုပေါင်း ကလပ် အသင်း ၃ သင်းကို လျှို့ဝှက် စောင့်ကြည့်ခဲ့မှုနဲ့ EFL ရဲ့ စွဲချက်တင်ခြင်းကို ခံခဲ့ရပါတယ်။
ဒါ့အပြင် နည်းပြ တွန်ဒါ အက်ကာ့တ်ရဲ့ ဆောက်သမ်တန်က ပုံမှန် ချန်ပီယံရှစ် ရာသီ အတွင်း အောက်စ်ဖို့ဒ် ယူနိုက်တက်နဲ့ အစ်ပ်ဆွစ်ချ်တောင်း တို့ရဲ့ လေ့ကျင့်ရေး အစီအစဉ်တွေကို ခိုးယူကြည့်ရှုခဲ့ကြောင်း ဝန်ခံခဲ့ပါတယ်။ ဒီပြစ်ဒဏ်တွေ အပြင် စိန့် တို့ဟာ လာမယ့် ရာသီမှာ စတင် သက်ရောက်မယ့် ရမှတ် ၄ မှတ် လျှော့ချခြင်း ပြစ်ဒဏ် ကိုလည်း ထပ်မံ ချမှတ်ခံခဲ့ရပါတယ်။ ဒါပေမယ့်လည်း ဆောက်သမ်တန် အနေနဲ့ အယူခံဝင်ပိုင်ခွင့် ရှိပြီး သူတို့ အနေနဲ့ အပြင်းထန်ဆုံးသော နည်းလမ်းတွေနဲ့ အယူခံဝင်သွားမယ်လို့ ပြောကြားခဲ့ပါတယ်။
EFL အနေနဲ့ အယူခံဝင်မှု လုပ်ငန်းစဉ်ကို ဗုဒ္ဓဟူးနေ့မှာ အပြီးသတ် ဖြေရှင်းဖို့ မျှော်လင့်ထားပေမယ့်လည်း လိုအပ်ရင် ဝင်ဘလေကွင်းမှာ ကျင်းပမယ့် ပလေးအော့ဖ် ဗိုလ်လုပွဲ ရက်စွဲကို ပြောင်းလဲဖို့ အစီအစဉ်တွေလည်း ချမှတ်ထားတယ်လို့ သိရပါတယ်။ အကယ်၍ ဒီဆုံးဖြတ်ချက်သာ အတည်ဖြစ်သွားရင် ဆောက်သမ်တန် အသင်းကို နှစ်ကျော့ပေါင်း ရလဒ် ၂-၁ နဲ့ ရှုံးနိမ့်ခဲ့တဲ့ မစ်ဒယ်ဘရော့တို့ ပြိုင်ပွဲကို ပြန်လည် ဝင်ရောက်ခွင့် ရရှိမှာ ဖြစ်ပြီး ပရီးမီယားလိဂ်ဆီ တက်လှမ်းခွင့် တစ်နေရာ အတွက် ဟားလ်စီးတီး အသင်းနဲ့ ရင်ဆိုင်ရမှာ ဖြစ်ပါတယ်။
EFL ရဲ့ ထုတ်ပြန်ချက်မှာ “ဆောက်သမ်တန်ကို မေလ ၈ ရက်မှာ ပထမအကြိမ် စွဲချက်တင်ခဲ့ပြီးနောက်၊ ၂၀၂၅-၂၆ ရာသီ အတွင်း ထပ်မံ ချိုးဖောက်မှုတွေနဲ့ ပတ်သက်ပြီး မေလ ၁၇ ရက်မှာ ထပ်တိုးစွဲချက်များကို ထုတ်ပြန်ခဲ့ပါတယ်။ ထပ်တိုး စွဲချက်တွေဟာ မစ်ဒယ်ဘရော့ အသင်းနဲ့ ပတ်သက်ပြီး အရေးယူ ဆောင်ရွက်မှုတွေ စတင်ပြီး နောက်ပိုင်း ပေါ်ပေါက်လာတဲ့ ကိစ္စရပ်တွေ ထွက်ပေါ်လာခြင်း ဖြစ်ပါတယ်။”
“ကလပ် အသင်းတွေ အနေနဲ့ အမြင့်ဆုံးသော ရိုးသား ဖြောင့်မတ်မှုနဲ့ လုပ်ဆောင်ဖို့နဲ့ သတ်မှတ်ထားတဲ့ ပွဲစဉ် မတိုင်မီ ၇၂ နာရီ အတွင်း တခြား ကလပ် အသင်း တစ်သင်းရဲ့ လေ့ကျင့်ရေး အစီအစဉ်ကို စောင့်ကြည့် လေ့လာခြင်း မပြုဖို့ တားမြစ်ထားတဲ့ စည်းမျဉ်းတွေကို ဆောက်သမ်တန်က ချိုးဖောက်ခဲ့ကြောင်း ဝန်ခံခဲ့ပါတယ်။ သူတို့ ဝန်ခံခဲ့တဲ့ ချိုးဖောက်မှုတွေက ၂၀၂၅ ခုနှစ် ဒီဇင်ဘာလမှာ ကစားခဲ့တဲ့ အောက်စ်ဖို့ဒ် ယူနိုက်တက် ပွဲစဉ်၊ ၂၀၂၆ ခုနှစ် ဧပြီလမှာ ကစားခဲ့တဲ့ အစ်ပ်ဆွစ်ချ်တောင်းနဲ့ ပွဲစဉ်နဲ့ ၂၀၂၆ ခုနှစ် မေလမှာ ကစားခဲ့တဲ့ မစ်ဒယ်ဘရော့နဲ့ ပွဲစဉ် တို့နဲ့ သက်ဆိုင်ပါတယ်။”
လက်ရှိအချိန်မှာတော့ မစ်ဒယ်ဘရော့ အနေနဲ့ ၂၀၁၅ ခုနှစ် ဗိုလ်လုပွဲမှာ နော့ဝှစ်ချ်စီးတီးကို ၂-၀ နဲ့ ရှုံးနိမ့်ခဲ့ပြီး နောက်ပိုင်း သူတို့ရဲ့ ပထမဆုံးသော ချန်ပီယံရှစ် ပလေးအော့ဖ် ဗိုလ်လုပွဲ အတွက် စတင် ပြင်ဆင်နေပြီလည်း ဖြစ်ပါတယ်။ ဒါပေမယ့်လည်း ဘိုရို အတွက် ဟားလ်စီးတီးနဲ့ ပွဲစဉ်က ခက်ခဲတဲ့ စိန်ခေါ်မှု တစ်ခု ဖြစ်လာမှာပါ။ ဘာကြောင့်လဲ ဆိုတော့ ပြီးခဲ့တဲ့ ဒီဇင်ဘာလက အိမ်ကွင်းမှာ ဟားလ်စီးတီးကို ၁-၀ နဲ့ မရှုံးနိမ့်မီ အထိ နောက်ဆုံးလိဂ် တွေ့ဆုံမှု ၄ ကြိမ်မှာ ရှုံးပွဲ မရှိ (၃ ပွဲ နိုင်၊ ၁ ပွဲ သရေ) ကစားထားနိုင်ခဲ့တာကြောင့် ဖြစ်ပါတယ်။
တခြား တစ်ဖက် မှာလည်း ဟားလ်စီးတီးက ၂၀၁၈-၁၉ ရာသီက ဒါဘီကောင်တီ အသင်း နောက်ပိုင်း ချန်ပီယံရှစ် ပလေးအော့ဖ် ဗိုလ်လုပွဲကို ပထမဆုံးအကြိမ် တက်လှမ်းနိုင်တဲ့ အဆင့် ၆ နေရာ ရရှိတဲ့ အသင်း ဖြစ်လာခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
