ကိုမို အသင်းရဲ့ နည်းပြ ဖြစ်သူ ဆက်စ် ဖာဘရီဂတ်စ်က လာမယ့် တနင်္ဂနွေနေ့မှာ ကစားမယ့် စီးရီးအေ ပွဲစဉ်မှာ အင်တာမီလန်ကို ရဲရဲဝံ့ဝံ့ ရင်ဆိုင်ဖို့ သူ့ရဲ့ ကစားသမားတွေကို တိုက်တွန်းလိုက်ပါတယ်။ လက်ရှိမှာ ချန်ပီယံလိဂ် ဝင်ခွင့် အတွက် မျှော်လင့်ချက် ရှိနေပေမယ့် ကိုမို အနေနဲ့ “ခရီးစဉ်ရဲ့ အစမှာပဲ ရှိသေးတယ်” ဆိုတာ ကိုလည်း ဖာဘရီဂတ်စ်က သတိပေးခဲ့ပါတယ်။
ကိုမိုဟာ ဒီရာသီ စီးရီးအေရဲ့ အံ့အားသင့်စရာ အသင်း တစ်သင်း အဖြစ် ရှိနေပြီး အသင်းကြီးတွေ ကိုတောင် ကျော်ဖြတ်ကာ အဆင့် (၄) အတွင်း ဝင်ဖို့ ရည်မှန်းနေတာ ဖြစ်ပါတယ်။ ဖာဘရီဂတ်စ်က “ပြီးခဲ့တဲ့ ရာသီက ကျွန်တော်တို့ ၄၉ မှတ်နဲ့ အဆုံးသတ်ခဲ့တာပါ။ အခု ရာသီကုန်ဖို့ ၇ ပွဲ အလို မှာတင် ပြီးခဲ့တဲ့ ရာသီကထက် ၆ မှတ် ပိုရနေပြီ ဖြစ်သလို ကိုပါအီတာလီယာ ဆီမီးဖိုင်နယ် ကိုလည်း တက်ထားနိုင်ပါပြီ။”လို့ ဆိုပါတယ်။ ဒါပေမယ့် အင်တာမီလန်လို အသင်းကြီး တစ်သင်းနဲ့ ကစားရမှာ ဖြစ်လို့ “ကိုယ့်ကိုယ်ကို အရှိထက် ပိုပြီး အထင်မကြီးကြဖို့နဲ့ သတ္တိရှိရှိ ကစားကြဖို့။” သူက ဖြည့်စွက် ပြောကြားခဲ့ပါတယ်။
နည်းပြ ခရစ္စတီယန် ချီဗူးရဲ့ အင်တာမီလန် ကတော့ စီးရီးအေ ဇယားထိပ်မှာ ၇ မှတ် အသာနဲ့ ဦးဆောင်နေပါတယ်။ Opta စူပါကွန်ပျူတာရဲ့ ခန့်မှန်းချက်အရ အင်တာမီလန်က ချန်ပီယံဆု ရဖို့ ၉၄.၃ ရာခိုင်နှုန်း အထိ အခွင့်အရေး ရှိနေပါတယ်။ ဒါ့အပြင် အင်တာက ပြီးခဲ့တဲ့ ပွဲမှာ ရိုးမားကို ၅-၂ နဲ့ အနိုင်ရရှိခဲ့တာကြောင့် အသင်းဟာ ယုံကြည်မှု ပြန်လည် မြင့်တက်နေပါတယ်။ ဒီနှစ်သင်းဟာ လာမယ့် ဧပြီလ ၂၁ ရက်နေ့ မှာလည်း ကိုပါအီတာလီယာ ဆီမီးဖိုင်နယ် ဒုတိယအကျော့ အဖြစ် ထပ်မံ ရင်ဆိုင်ရဦးမှာပါ။ ပထမအကျော့တုန်း ကတော့ ၀-၀ နဲ့ သရေကျထားခဲ့ပါတယ်။
ဒီပွဲမှာ ကိုမို ဘက်က တာဆော့စ် ဒူးဗီကက်စ်ကို စောင့်ကြည့်ရမှာ ဖြစ်ပြီး သူ့ရဲ့ နောက်ဆုံး သွင်းဂိုး ၅ ဂိုးစလုံးဟာ အိမ်ကွင်းမှာ သွင်းယူခဲ့တာ ဖြစ်ပါတယ်။ ဒါပေမယ့် သူဟာ ဇယား ထိပ်ပိုင်း (၄) သင်း အတွင်းက အသင်းတွေကို ဂိုးသွင်းယူနိုင်ဖို့ ရုန်းကန်နေရဆဲ ဖြစ်ပါတယ်။ အင်တာမီလန် ဘက်မှာတော့ မားကပ်စ် သူရမ်ကို စောင့်ကြည့်ရမှာပါ။ ဒီပွဲမှာ အဓိက တိုက်စစ်မှူး လော်တာရို မာတီနက်ဇ် ပါဝင်နိုင်မှာ မဟုတ်တာကြောင့် ရိုးမားနဲ့ပွဲမှာ ခြေစွမ်းပြခဲ့တဲ့ သူရမ် ကပဲ တိုက်စစ်ကို ဦးဆောင်လာဖို့ ရှိနေပါတယ်။
အင်တာမီလန်ဟာ ကိုမိုနဲ့ တွေ့ဆုံခဲ့တဲ့ နောက်ဆုံး စီးရီးအေ ၁၀ ပွဲလုံးမှာ အနိုင်ရရှိထားပြီး စုစုပေါင်း ၂၄ ဂိုး သွင်းကာ ၂ ဂိုးသာ ပြန်ပေးထားရပါတယ်။ ကိုမိုဟာ အိမ်ကွင်း နောက်ဆုံး ၃ ပွဲမှာ ၁၀ ဂိုး အထိ သွင်းယူကာ အနိုင်ရထားတာကြောင့် ခြေစွမ်းတက်နေပါတယ်။ ဖာဘရီဂတ်စ်ဟာ နည်းပြဘဝမှာ အင်တာမီလန်နဲ့ တွေ့တိုင်း ရှုံးနိမ့်ထားခဲ့သလို၊ သူ နည်းပြ ဖြစ်လာပြီး နောက်ပိုင်း ကိုမိုတို့ ဂိုးမသွင်းနိုင်သေးတဲ့ တစ်သင်းတည်းသော အသင်းက အင်တာမီလန် ဖြစ်နေပါတယ်။ သမိုင်းကြောင်းအရ အင်တာမီလန်က အပြတ်အသတ် အသာစီးရထားပေမယ့် ဖာဘရီဂတ်စ်ရဲ့ ကိုမိုက ဘယ်လောက် အထိ တုံ့ပြန်နိုင်မလဲ ဆိုတာ စိတ်ဝင်စားဖို့ ကောင်းနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
