ချဲလ်ဆီး – မန်ချက်စတာယူနိုက်တက်
အခုတပတ် စနေနေ့ညရဲ့ နောက်အကျဆုံးနဲ့ စိတ်ဝင်စားစရာ အကောင်းဆုံး ပရီးမီးယားလိဂ် ထိပ်တိုက်တွေ့ဆုံမှု ဖြစ်ပါတယ်။ နှစ်သင်းစလုံးရဲ့ ချန်ပီယံလိဂ် ဝင်ခွင့် အတွက် အရေးပါတဲ့ ပွဲစဉ် ဖြစ်နေတာကြောင့် ဘယ်အသင်းက ရလဒ်ကောင်း တစ်ခုကို အမိအရ ဆုပ်ကိုင်သွားမလဲ ဆိုတာ စောင့်ကြည့်ရမှာပါ။ ပြီးခဲ့တဲ့ စက်တင်ဘာလက အိုးထရက်ဖို့ဒ်မှာ ၂-၁နဲ့ အနိုင်ရထားတဲ့ ယူနိုက်တက်ဟာ ၂၀၁၉-၂၀ ရာသီ နောက်ပိုင်း ပထမဆုံးအကြိမ် အဖြစ် ချဲလ်ဆီးကို အိမ်ကွင်း၊ အဝေးကွင်း နှစ်ကျော့စလုံး အနိုင်ရရှိဖို့ ရည်မှန်းထားပါလိမ့်မယ်။
ချဲလ်ဆီး
နည်းပြ လီယမ် ရိုစီနီယာရဲ့ ချဲလ်ဆီး ခရီးစဉ်ဟာ အစပိုင်းမှာ ပရီးမီးယားလိဂ် ၄ ပွဲ ဆက်နိုင်ပြီး တောက်ပခဲ့ပါတယ်။ ဒါပေမ့် နောက်ပိုင်း မှာတော့ ရလဒ်တွေ ဆိုးရွားနေပြီး နောက်ဆုံး လိဂ် ၇ ပွဲမှာ ၁ ပွဲသာ အနိုင်ရရှိခဲ့ပါတယ် (၂ ပွဲ သရေ၊ ၄ ပွဲ ရှုံး)။ မတ်လ အစပိုင်းကတည်းက ကြည့်ရင် ချဲလ်ဆီးဟာ ပြိုင်ပွဲစုံ ၉ ပွဲမှာ ၆ ပွဲအထိ ရှုံးနိမ့်ထားပါတယ်။ ဒါဟာ ဥရောပ ထိပ်သီးလိဂ် ၅ ခုထဲမှာ ရှုံးပွဲ အများဆုံး မှတ်တမ်း ဖြစ်ပြီး၊ အရင်က ၆ ပွဲ ရှုံး ဖို့အတွက် ၂၉ ပွဲ အထိ ကစားခဲ့ရတာနဲ့ နှိုင်းယှဉ်ရင် အခြေအနေ တော်တော်လေး ဆိုးနေတာပါ။ နောက်ပြီး ပြီးခဲ့တဲ့ တပတ်က မန်စီးတီးကို အိမ်ကွင်းမှာ ၃-၀ နဲ့ ရှုံးခဲ့တာကြောင့် ချန်ပီယံလိဂ် မျှော်လင့်ချက် ထိုးနှက်ချက်ဖြစ်ခဲ့ပါတယ်။ လက်ရှိမှာ အဆင့် ၆ နေရာမှာ ရှိနေပေမယ့် အဆင့် ၅ နေရာက လစ်ဗာပူးလ် (၄ မှတ်ကွာ) ထက် အဆင့် ၁၁ က ဘုန်းမောက် (၃ မှတ်ကွာ) နဲ့ ပိုနီးစပ်နေတဲ့ အနေအထားပါ။ ချဲလ်ဆီးဟာ လိဂ် ၄ ပွဲ ဆက်တိုက် ရှုံးနိမ့်ခြင်း ဆိုတဲ့ မှတ်တမ်းဆိုးကို ရှောင်လွှဲဖို့ လိုအပ်နေပြီလည်း ဖြစ်ပါတယ်။ နောက်ဆုံး အကြိမ် ၄ ပွဲဆက် ရှုံးခဲ့တာက ၂၀၂၃ မေလ (နည်းပြ လမ်းပတ် လက်ထက်) မှာ ဖြစ်ပါတယ်။
မန်ချက်စတာယူနိုက်တက်
ယူနိုက်တက်ဟာ ၂၄ ရက်ကြာ အနားရခဲ့ပြီးနောက် ပြန်လည် ကစားတဲ့ပွဲမှာ ယာယီ နည်းပြ မိုက်ကယ် ကာရစ်ခ် လက်ထက် ပထမဆုံး အိမ်ကွင်း ရှုံးပွဲနဲ့ ကြုံခဲ့ရပါတယ်။ နောက်ပြီး ယူနိုက်တက်က ပရီးမီးယားလိဂ် တန်းဆင်းဇုန် အန္တရာယ် ရှိတဲ့ လိဒ်စ်ယူနိုက်တက်ကို အိမ်ကွင်းမှာ ရှုံးနိမ့်ခဲ့တာ ဖြစ်ပါတယ်။ လက်ရှိ ယူနိုက်တက်က အဆင့် ၃ နေရာမှာ ရှိနေပြီး အက်စတွန်ဗီလာနဲ့ ရမှတ်တူနေပါတယ်။ ဒီပွဲမှာသာ ရှုံးခဲ့ရင် အဆင့် ၆ က ချဲလ်ဆီးနဲ့ ၄ မှတ်သာ ကွာဟတော့မှာ ဖြစ်သလို၊ လစ်ဗာပူးလ် နဲ့လည်း ၃ မှတ်သာ ကွာပါတော့မယ်။ ယူနိုက်တက်ဟာ နှစ်သစ်ကူးပြီး နောက်ပိုင်း ပရီးမီးယားလိဂ် ၁၃ ပွဲမှာ ၃ ပွဲသာ ပေးဂိုး မရှိ (Clean Sheet) ကစားနိုင်ခဲ့ပါတယ်။ အထူးသဖြင့် နောက်ဆုံး အဝေးကွင်း ၂၁ ပွဲမှာ ၁ ပွဲသာ ပေးဂိုး မရှိအောင် ကစားနိုင်ခဲ့တာကြောင့် ခံစစ်ပိုင်းက စိုးရိမ်စရာ ဖြစ်နေပါတယ်။
နှစ်ဖက်အသင်း သတင်းများ
အခုပွဲကိုတော့ ချဲလ်ဆီး ဘက်က ဂျော်ဂျန်ဆန်၊ ကိုးလ်ဝဲလ်၊ ရိစ် ဂျိမ်းစ်၊ ချာလိုဘာ့နဲ့ ဂစ်တန်စ် တို့ လွဲချော်မှာ ဖြစ်ပါတယ်။ ယူနိုက်တက် ဘက်မှာတော့ လီဆန်ဒရို မာတီနက်ဇ် (ပွဲပယ်)၊ ဟယ်ရီ မက်ဂွိုင်းယား၊ ဒီလစ်ဂျ်၊ မိန်းနူး၊ ဒေါ်ဂူ တို့ လွဲချော်မှာပါ။
ဖြစ်နိုင်ဖွယ် လူစာရင်း
ချဲလ်ဆီး – ဆန်းချက်ဇ်၊ ဂူစတို၊ ဖိုဖာနာ၊ ဟာတို၊ ကူကာရယ်လာ၊ ကိုင်စီဒို၊ ဆန်းတို့စ်၊ ပါးလ်မား၊ ဖာနန်ဒက်ဇ်၊ နီတို၊ ပက်ဒရို
မန်ချက်စတာယူနိုက်တက် – လမ်မန်းစ်၊ ဒါးလော့တ်၊ ယိုရို၊ ဟဲဗန်း၊ ရှော၊ ကက်စ်မဲရိုး၊ မိန်းနူး၊ အာမက်ဒ်၊ ဘရူနို၊ ကူညာ၊ အမ်ဘွေမို
ထိပ်တိုက်တွေ့ဆုံမှု
ချဲလ်ဆီးဟာ ယူနိုက်တက်နဲ့ အိမ်ကွင်း တွေ့ဆုံမှုမှာ နောက်ဆုံး ၁၂ ပွဲမှာ ၁ ပွဲသာ ရှုံးဖူးတဲ့ မှတ်တမ်းကောင်း ရှိသလို၊ အိမ်ကွင်းမှာ ယူနိုက်တက်ကို ၃ ကြိမ်ဆက် နိုင်ပွဲရဖို့ ကြိုးစားမှာပါ။ တစ်ဖက် မှာလည်း ယူနိုက်တက်ဟာ ဒီရာသီမှာ ၂ ပွဲဆက် ရှုံးနိမ့်ခြင်း မရှိသေးတဲ့ စံချိန်ကို ထိန်းသိမ်းဖို့ ကြိုးစားရမှာ ဖြစ်တာကြောင့် အကြိတ်အနယ် ရှိမယ့် ပွဲစဉ်ပဲ ဖြစ်ပါတယ်။ ပရီးမီးယားလိဂ် နောက်ဆုံး ၅ ကြိမ် တွေ့ဆုံမှု မှာတော့ နှစ်ကြိမ်စီ အနိုင်ရထားပြီး ၁ ကြိမ် သရေကျထားပါတယ်။
လောင်းကစားဆိုင်ရာ အကြံပြုချက်
SBOTOPရဲ့ 1X2 မှာ ချဲလ်ဆီး နိုင်ရင် ၂.၂၀ ဆ၊ မန်ချက်စတာယူနိုက်တက် နိုင်ရင် ၂.၈၂ ဆ၊ သရေ ဆိုရင်တော့ ၃.၄၂ ဆ ရရှိမှာ ဖြစ်ပါတယ်။ ဟန်းဒီးကပ်မှာ ဒဲ့နဲ့ ချဲလ်ဆီး ဘက်က ခပ်ပါးပါး ကြေးဖွင့်ပေးထားပါတယ်။ နှစ်သင်းစလုံးက ပြီးခဲ့တဲ့ ပွဲတွေမှာ စိတ်ပျက်စရာ ရှုံးနိမ့်မှုတွေနဲ့ ရင်ဆိုင်ခဲ့ရတာကြောင့် အဆင့် ၅ အတွင်း ဝင်ဖို့ ကြိုးပမ်းရာမှာ အမှားအယွင်းခံလို့ မရတော့တဲ့ အခြေအနေကို ရောက်ရှိနေပါတယ်။ ဒါကြောင့် ဒီပွဲက သေချာပေါက် အပြန်အလှန် တိုက်စစ်ဖွင့် ကစားမယ့် ပွဲကောင်းတစ်ပွဲ ဖြစ်လာပါလိမ့်မယ်။
ဒီနှစ်သင်းရဲ့ ထိပ်တိုက်တွေ့ဆုံမှုဟာ ပရီးမီးယားလိဂ် သမိုင်းတစ်လျှောက်မှာ သရေ ရလဒ် အများဆုံး (၂၇ ကြိမ်) ထွက်ပေါ်ထားတဲ့ ပွဲစဉ်လည်း ဖြစ်ပါတယ်။ လက်ရှိ မှာလည်း အသင်းနှစ်သင်းကြား ခြေစွမ်းကွာဟချက် သိပ်မရှိတာကြောင့် သရေ တစ်မှတ်စီ ထပ်ပြီး ခွဲယူသွားနိုင်ခြေလည်း ရှိနေပါတယ်။ အထူးသဖြင့် ယူနိုက်တက် ဘက်မှာ အဓိက နောက်ခံလူတွေ ဖြစ်တဲ့ မာတီနက်ဇ်နဲ့ မက်ဂွိုင်းယားတို့ ပွဲပယ်ခံထားရသလို၊ ချဲလ်ဆီးရဲ့ နောက်တန်း ကလည်း တည်ငြိမ်မှုရဖို့ ရုန်းကန်နေရတာကြောင့် အခုပွဲဟာ နည်းဗျူဟာပိုင်း အသာစီးရဖို့ ထိန်းကစားတာမျိုးထက် ဂိုးအများအပြား သွင်းပြီး သရေကျသွားမယ့် ရလဒ်မျိုး ဖြစ်လာဖို့ များပါတယ်။
ခန့်မှန်းရလဒ်
ချဲလ်ဆီး ၂-၂ မန်ချက်စတာယူနိုက်တက်
ကျွန်ုပ်တို့၏ လောင်းကစားအတွက် သက်မှတ်ထားသည့် ( ) များသည်မည်မျှ တန်ဘိုးရှိကြောင်း ရှင်းလင်းချက် |
|||
|---|---|---|---|
 = €20 (ယုံကြည်ချက် အမြင့်ဆုံး) |
 = €10 (ယုံကြည်ချက်) |
= €5 (ယုံကြည်ချက် အနည်းငယ် ) |
|
ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
