ဒီကနေ့ ညနေခင်းအထိ ရရှိထားသမျှ ပရီးမီးယားလိဂ် အပါအဝင် ထိပ်သီးလိဂ်တွေရဲ့ နောက်ဆုံးရ သတင်းတွေကို SBOTOP ပရိသတ်တွေ အတွက် ဖော်ပြပေးလိုက်ပါတယ်။
မန်ချက်စတာယူနိုက်တက် ကတော့ အတ္တလန္တာ ကွင်းလယ်လူ အီဒါဆင်ကို ယူရို သန်း ၅၀ (ပေါင် ၄၃ သန်း) နဲ့ ခေါ်ယူဖို့ သဘောတူညီမှု ရရှိဖို့ နီးစပ်နေပြီ ဖြစ်ပါတယ်။ ဒါပေမယ့်လည်း ဒီအပြောင်းအရွှေ့ အတွက် ဆွေးနွေးနေဆဲ ဖြစ်ပေမယ့် နည်းပြ မိုက်ကယ် ကာရစ်ခ်က နယူးကာဆယ် ကွင်းလယ်လူ ဆန်ဒရို တိုနာလီကို ခေါ်ယူပေးဖို့ တောင်းဆိုထားပါတယ်။ အီတလီ လက်ရွေးစင် တိုနာလီက ပရီးမီးယားလိဂ် ထိပ်သီး တို့ရဲ့ အဓိက အကျဆုံး ပစ်မှတ် အဖြစ် ပေါ်ထွက်လာခဲ့ပါတယ်။ သူ့ရဲ့ ပြောင်းရွှေ့ကြေးက ယူရို သန်း ၁၀၀ (ပေါင် ၈၆ သန်း) ဝန်းကျင် ရှိနိုင်ကြောင်း သိရပါတယ်။
မိုဟာမက် ဆာလာရဲ့ နေရာမှာ အစားထိုးမယ့် ကစားသမားကို ရှာဖွေနေတဲ့ လစ်ဗာပူးလ်က ဘီလ်ဘာအို အသင်းရဲ့ တိုက်စစ် ကစားသမား နီကို ဝီလီယမ်စ်ကို ခေါ်ယူဖို့ အခိုင်အမာ စိတ်ဝင်စားနေပါတယ်။ ဒါ့အပြင် စပို့တင်းလစ္စဘွန်းက ဖရန်စစ္စကို ထရင်ကာအို ကလည်း လစ်ဗာပူးလ် ရဲ့ ပစ်မှတ်စာရင်းထဲမှာ ရှိနေပါတယ်။
လက်ရှိမှာ ဒဏ်ရာရရှိနေတဲ့ လစ်ဗာပူးလ် ဂိုးသမား အလီဆွန် ကတော့ လစ်ဗာပူးလ် အတွက် နောက်ဆုံးပွဲ ကစားပေးခဲ့တာ ဖြစ်နိုင်ပါတယ်။ သူဟာ ဒီနွေရာသီမှာ အသင်း ကနေ ထွက်ခွာပြီး ဂျူဗင်တပ်စ် အသင်းထံ ပြောင်းရွှေ့လိုနေပါတယ်။
ချဲလ်ဆီး အသင်းဟာ ပရီးမီးယားလိဂ် ပထမဆုံး ရာသီမှာ ခြေစွမ်းပြခဲ့တဲ့ ဘုန်းမောက် တိုက်စစ်မှူး အီလီ ဂျူနီယာ ခရူပီကို ခေါ်ယူဖို့ အာဆင်နယ်နဲ့ အပြိုင် ကြိုးပမ်းဖို့ ပြင်ဆင်နေပါတယ်။ ဒါပေမယ့်လည်း နည်းပြသစ် ဇာဘီ အလွန်ဆိုက သူ့အသင်းရဲ့ တိုက်စစ်ကို အားဖြည့်ဖို့ အတွက် ဘရန့်ဖို့ဒ် တိုက်စစ်မှူး အီဂေါ သီယာဂို ကိုသာ သူ့ရဲ့ ထိပ်တန်း ပစ်မှတ် အဖြစ် သတ်မှတ်ထားပါတယ်။
ချဲလ်ဆီး အသင်း အနေနဲ့ တိုက်စစ်မှူး လီယမ် ဒီလပ်ပ် အတွက် ကမ်းလှမ်းမှုတွေကို စဉ်းစားဖို့ ဆုံးဖြတ်ခဲ့ပြီးနောက် သူဟာ ဒီနွေရာသီမှာ အသင်း ကနေ ထွက်ခွာဖွယ် ရှိနေပါတယ်။ အဲဗာတန်က သူ့ကို ခေါ်ယူဖို့ ရေပန်းအစားဆုံး အသင်းတွေထဲမှာ ပါဝင်နေပါတယ်။
အာဆင်နယ် ဂိုးသမား ကီပါ အာရစ်ဇာဘာလာဂါကို အင်တာမီလန်က သူတို့ရဲ့ အရံ ဂိုးသမား အဖြစ် ခေါ်ယူဖို့ ပစ်မှတ်ထားနေပါတယ်။
အက်စတွန်ဗီလာ အသင်းအား ယူရိုပါလိဂ် ချန်ပီယံ ဖြစ်အောင် ဦးဆောင်ပေးခဲ့တဲ့ နည်းပြ အူနိုင်း အမ်မရီ အနေနဲ့ လာမယ့် အပြောင်းအရွှေ့မှာ အသုံးပြုဖို့ ပေါင် သန်း ၁၀၀ အထိ ထုတ်ပေးဖို့ ရှိနေတယ်လို့ သိရပါတယ်။ ဗီလာဟာ ဖူလ်ဟမ် တောင်ပံ ကစားသမား ဟာရီ ဝီလ်ဆင်၊ ဆဲလ်တာဗီဂို ကွင်းလယ်လူ အီလိုင်း မော်ရီဘာနဲ့ ကိုမို တိုက်စစ်မှူး ဟီဆုစ် ရိုဒရီဂွက်ဇ် တို့ကို စဉ်းစားနေတဲ့ အပြင် ဘိုလော့ဂ်နာ တောင်ပံ ကစားသမား ဂျိုနသန် ရိုးဝ် ကိုလည်း စောင့်ကြည့်နေပါတယ်။
နယူးကာဆယ် အသင်းဟာ အန်သိုနီ ဂေါ်ဒွန် အသင်း ကနေ ထွက်ခွာမယ့် အရေး အတွက် ပြင်ဆင်နေပြီး၊ သူ့ရဲ့ နေရာမှာ အစားထိုးဖို့ လိုင်လီက မာတီးယပ်စ် ဖာနန်ဒက်ဇ်-ပါဒိုကို စောင့်ကြည့်နေပါတယ်။
အာဆင်နယ်က မန်ချက်စတာစီးတီးမှာ မပျော်မရွှင် ဖြစ်နေတဲ့ ကွင်းလယ်လူ တီဂျန်နီ ရိုင်ဒါးစ်ကို ခေါ်ယူဖို့ စိတ်ဝင်စားကြောင်း နောက်ဆုံး ထုတ်ဖော်ပြသလာတဲ့ အသင်း ဖြစ်လာပါတယ်။ တစ်ဖက် မှာလည်း မန်စီးတီး နည်းပြသစ် အဖြစ် ရောက်ရှိလာမယ့် အန်ဇို မာရက်စကာက ကလပ်ရဲ့ အပြောင်းအရွှေ့ အစီအစဉ်ကို ပြောင်းလဲမှာ မဟုတ်ပဲ နော့တင်ဟမ်ဖောရက်စ် ကွင်းလယ်လူ အဲလီယော့တ် အန်ဒါဆန်ကို ခေါ်ယူနိုင်ရေး အတွက် ဆက်လက် တွန်းအားပေးနေပါတယ်။
ဝက်စ်ဟမ်းယူနိုက်တက် ကတော့ ပရီးမီးယားလိဂ် ကနေ တန်းဆင်းသွားခဲ့ရင်တောင် တောင်ပံ ကစားသမား ခရစ်ဆန်စီယို ဆမ်းမားဗီးလ်ကို လက်လွှတ်ဖို့ အတွက် ယူရို သန်း ၄၀ (ပေါင် ၃၅ သန်း) တောင်းဆိုသွားမှာ ဖြစ်ပါတယ်။
ပေါ်တို အသင်း ကနေ ထွက်ခွာခဲ့ပြီးနောက် ဂန္ထဝင်နောက်ခံလူကြီး သီယာဂို ဆေးလ်ဗားမှာ ရွေးချယ်စရာ နှစ်ခု ရှိနေပါတယ်။ သူ့အနေနဲ့ အေစီမီလန်ဆီ ပြောင်းရွှေ့ကာ ကစားသမားဘဝကို ဆက်လက် ဖြတ်သန်းနိုင်သလို၊ ကစားသမား ဘဝ ကနေ အနားယူပြီး နည်းပြ လောကထဲကို ဝင်ရောက်ဖို့လည်း စဉ်းစားနေပါတယ်။ သူ့ရဲ့ အသင်းဟောင်း ချဲလ်ဆီးက သူ့ရဲ့ သားတွေ ကစားနေတဲ့ ချဲလ်ဆီး အကယ်ဒမီမှာပဲ နည်းပြ ရာထူး တစ်ခု ပေးအပ်ဖို့ စိတ်ဝင်စားနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
