ဒီကနေ့ မန်ချက်စတာယူနိုက်တက် ကစားသမားဟောင်း ပေါလ်စခိုးလ် ကတော့ လာမယ့် နွေရာသီအပြောင်းအရွှေ့မှာ ယူနိုက်တက် အသင်း ထုတ်ရောင်းသင့်တဲ့ ကစားသမား (၈) ဦးက ဘယ်သူတွေလဲ ဆိုတာ ရွေးချယ် အကြံပြုလိုက်ပါတယ်။ ပေါလ်စခိုးလ်ရဲ့ အကြံပြုချက်အရ ပရီးမီးယားလိဂ် ကလပ်က ရောင်းထုတ်သင့်တဲ့ ကစားသမား စာရင်းမှာ လူငယ် နောက်ခံလူ လန်နီ ယိုရိုလည်း အံ့အားသင့်ဖွယ် ပါဝင်နေခဲ့ပါတယ်။
စခိုးလ်ရဲ့ အမြင်နဲ့ ဝေဖန်ချက်များ
၁။ ဗဟိုခံစစ်မှူးများ
စခိုးလ်က လန်နီ ယိုရိုနဲ့ ပတ်သက်ပြီး “သူ့အတွက် ငွေအများကြီး ပေးခဲ့ရပေမယ့် သူရုန်းကန်နေရတယ်လို့ ထင်တယ်။ သူက အချိန်ပေးဖို့ လိုအပ်ပေမဲ့ အခု ချက်ချင်း ရွေးချယ်ရမယ် ဆိုရင်တော့ ကျွန်တော် သူ့ကို ရောင်းလိုက်မှာပါ”လို့ ဆိုခဲ့ပါတယ်။ ဟယ်ရီ မက်ဂွိုင်းယားနဲ့ ပတ်သက် ပြီးတော့လည်း မကြာသေးခင်က စာချုပ်သစ်ချုပ်ဆိုထားပေမယ့်လည်း စခိုးလ်က သဘောမတူခဲ့ပါဘူး။ “မက်ဂွိုင်းယားက တကယ်ကို ကောင်းမွန်တဲ့ ကစားသမားဖြစ်သလို သေရာ ကနေ ပြန်ရှင်လာသလိုမျိုး ခြေစွမ်းပြနေတာကို ဝမ်းသာပါတယ်။ ဒါပေမယ့် ပရီးမီးယားလိဂ်နဲ့ ချန်ပီယံလိဂ် ဖလားတွေကို ယူနိုက်တက်တို့ ရည်မှန်းတယ် ဆိုရင်တော့ သူ့ဘေးမှာ ရီယို ဖာဒီနန်လို ကစားသမားမျိုး မရှိဘဲနဲ့တော့ သူ အနေနဲ့ အောင်မြင်နိုင်မယ်လို့ မထင်ပါဘူး။” လို့ ပြောကြားခဲ့ပါတယ်။
၂။ ခံစစ် အစွန်လူများ
ဒီယိုဂို ဒါးလော့တ် တစ်ဦးတည်းကိုသာ ချန်ထားပြီး ကျန်နောက်ခံလူတွေ ဖြစ်တဲ့ ပက်ထရစ် ဒေါဂူ၊ နူဆာ မက်ဇရာရီနဲ့ လုခ်ရှော တို့ကို ရောင်းထုတ်ဖို့ စခိုးလ်က အကြံပြုခဲ့ပါတယ်။ စခိုးလ်က “မက်ဇရာရီက ဘယ်နေရာမှာ ကစားရမလဲဆိုတာ မသိဘူး။ အသင်းက ခံစစ် သုံးယောက်တန်းနဲ့ မကစားတော့တဲ့ အတွက် သူ့ကို လက်လွှတ်သင့်ပါပြီ။ ခြေစွမ်းအတည်ငြိမ်ဆုံး အချိန်မှာ လု့ခ် ရှောက ကမ္ဘာ့အကောင်းဆုံး ဘယ်နောက်ခံလူပါ။ ဒါပေမယ့် သူက ပွဲကစားရတာ နည်းလွန်းတဲ့ အတွက် ရောင်းသင့်ပါတယ်။” သုံးသပ်ခဲ့ပါတယ်။
၃။ ကွင်းလယ်နဲ့ တိုက်စစ်
ကွင်းလယ်မှာ ကက်စမဲရိုးကို အလွတ်ပြောင်းရွှေ့ကြေးနဲ့ ထွက်ခွာခွင့်ပေးသင့်သလို၊ မာနျူရယ် အူဂါတေး ကိုလည်း ရောင်းထုတ်သင့်ကြောင်း စခိုးလ်က ယုံကြည်နေပါတယ်။ မေဆန် မောင့်နဲ့ ပတ်သက်လို့တော့ “သူက ကစားသမားကောင်း တစ်ဦး ဖြစ်ပေမယ့် ဘရူနို ဖာနန်ဒက်စ်ရဲ့ ရှေ့မှာတော့ ဘယ်တော့မှ ပွဲထွက်ခွင့် ရမှာ မဟုတ်ဘူး။” လို့ ဆိုကာ ရောင်းထုတ်ဖို့ အကြံပြုခဲ့ပါတယ်။
စခိုးလ်ရဲ့ အဆုံးအဖြတ်စာရင်း (ဆက်ထိန်းမလား၊ ရောင်းထုတ်မလား)
- ဆန်နီ လမ်မန်းစ် – ဆက်ထိန်းရန်
- ဒီယိုဂို ဒါးလော့တ် – ဆက်ထိန်းရန်
- နူဆာ မာဇရာဝီ – ရောင်းထုတ်ရန်
- မားသီးယက်စ် ဒီလစ်ဂျ် – ဆက်ထိန်းရန်
- ဟယ်ရီ မက်ဂွိုင်းယား – ရောင်းထုတ်ရန်
- လီဆန်ဒရို မာတီနက်ဇ် – ဆက်ထိန်းရန်
- ပက်ထရစ် ဒေါ့ဂူ – ရောင်းထုတ်ရန်
- လန်နီ ယိုရို – ရောင်းထုတ်ရန်
- လု့ခ် ရှော – ရောင်းထုတ်ရန်
- မေဆန် မောင့် – ရောင်းရန်
- ဘရူနို ဖာနန်ဒက်စ် – ဆက်ထိန်းထားရန်
- ကက်စ်မဲရိုး – လက်လွှတ်ရန်
- မာနျူရယ် အူဂါတေး – ရောင်းရန်
- ကိုဘီ မိန်းနူး – ဆက်ထိန်းရန်
- မာသီးယပ်စ် ကူညာ – ဆက်ထိန်းရန်
- ဂျော်ရွှာ ဇစ်ခ်ဇီး – ရောင်းထုတ်ရန်
- အာမက်ဒ် ဒီယာလို – ဆက်ထိန်းရန်
- ဘရိုင်ယန် အမ်ဘွေမို – ဆက်ထိန်းရန်
- ဘင်ဂျမင် ဆက်စကို – ဆက်ထိန်းရန်
ဒီစာရင်းက ပေါလ်စခိုးရဲ့ အမြင်နဲ့ သုံးသပ်ချက် သီးသန့်သာ ဖြစ်ပါတယ်။ တကယ်တော့ ပရီးမီးယားလိဂ် ကလပ်ဟာ ရာသီကုန်ချိန်မှာ လက်ရှိ ယာယီ နည်းပြ မိုက်ကယ် ကာရစ်ခ်ကို ဆက်လက် ခန့်အပ်မလား။ ဒါမှမဟုတ် နည်းပြသစ် တစ်ဦး ပြောင်းလဲမလား ဆိုတာတောင် မဆုံးဖြတ်ရသေးပါဘူး။ အကယ်၍ ယူနိုက်တက်ဟာ ကာရစ်ခ်ကို ဆက်လက် ခန့်အပ်မယ် ဆိုရင် ရာသီကုန်မှာ ကြီးမားတဲ့ ပြင်ဆင်မှုတွေ ပြုလုပ်ရဦးမှာ ဖြစ်သလို နည်းပြသစ် တစ်ဦး ရောက်ရှိလာခဲ့ရင်လည်း သူ့ရဲ့ နည်းစနစ်နဲ့ ကိုက်ညီတဲ့ ကစားသမား အပြောင်းအလဲတွေ ရှိနိုင်သေးတာ ဖြစ်ပါတယ်။ ဒါကြောင့် ပရီးမီးယားလိဂ် ထိပ်သီးတို့ ရာသီကုန်မှာ ဘယ်လိုမျိုး အပြောင်းအလဲတွေ ပြုလုပ်သွားမလဲ ဆိုတာ စောင့်ကြည့်ရမှာ ဖြစ်ကြောင်း ပြောကြားရင်း…။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
