မက်ဘာနီရဲ့ နောက်ကျ အနိုင်ဂိုးနဲ့ ပရီးမီးယားလိဂ်ဆီ တန်းပြန်တက်ခွင့်ရခဲ့တဲ့ ဟားလ်စီးတီး

စပိုင်လုပ်မှု အရှုပ်တော်ပုံကြောင့် ချန်ပီယံရှစ် ပလေးအော့ဖ် ဗိုလ်လုပွဲဆီ ပြန်လည် ပါဝင်ခွင့်ရခဲ့တဲ့ မစ်ဒယ်ဘရော့ ကတော့ ပွဲချိန်နှောင်းပိုင်းမှာ ဟားလ်စီးတီးရဲ့ အသည်းခွဲခြင်းကို ခံခဲ့ရပြီး ပရီးမီးယားလိဂ်နဲ့ ဝေးကွာခဲ့ရပြန်ပါပြီ။ ဝမ်ဘလေကွင်းကြီးထဲမှာ ကစားခဲ့တဲ့ ကမ္ဘာ့ဈေးအကြီးဆုံး ပြိုင်ပွဲ တဖြစ်လဲ ချန်ပီယံရှစ် ပလေးအော့ဖ် ဗိုလ်လုပွဲမှာ အိုလီ မက်ဘာနီရဲ့ ၉၅ မိနစ်မြောက် အနိုင်ဂိုးကြောင့် ဟားလ်စီးတီးက မစ်ဒယ်ဘရော့ကို ၁-၀ ရလဒ်နဲ့ အနိုင်ရရှိပြီး ပရီးမီးယားလိဂ်ဆီ တက်လှမ်းခွင့် ရရှိသွားခဲ့တာ ဖြစ်ပါတယ်။

ဆောက်သမ်တန် အသင်း ပြိုင်ပွဲ ကနေ ထုတ်ပယ်ခံခဲ့ရပြီးနောက် ပလေးအော့ဖ် ဗိုလ်လုပွဲဆီ ပြန်လည် ဝင်ရောက်ခွင့်ရခဲ့တဲ့ မစ်ဒယ်ဘရော့ဟာ အချိန်ပိုကစားရဖို့ နီးကပ်နေချိန်မှာပဲ ဂိုးသမား ဆိုးလ် ဘရိုင်းက ယူ ဟီရီကာဝါရဲ့ ဖြတ်တင်ဘောကို ဖမ်းချက်မမိဘဲ ချော်ထွက်သွားခဲ့ရာ ကနေ မက်ဘာနီက ဂိုးသမားမရှိတဲ့ ဂိုးပေါက်ထဲကို ပိတ်သွင်းယူခဲ့လို့ ဟားလ်စီးတီး ပရိသတ်တွေ အောင်ပွဲခံနိုင်ခဲ့တာ ဖြစ်ပါတယ်။

ပွဲမစတင်မီက ဟားလ်စီးတီး အသင်းပိုင်ရှင် အာကွန် အီလီကာလီက တကယ်လို့သာ သူတို့အသင်း ဒီပွဲမှာ ရှုံးနိမ့်ခဲ့ရင် တရားရင်ဆိုင်မှုတွေ ပြုလုပ်သွားမယ်လို့ ဆိုခဲ့ပါတယ်။ အကြောင်းရင်း ကတော့ စပိုင်လုပ်မှု ပြဿနာကြောင့် သူတို့ အသင်းဟာ တိုက်ရိုက် ပရီးမီးယားလိဂ်ဆီ တက်ခွင့်ရသင့်တာလို့ ယူဆထားလို့ပါ။ ဒါပေမယ့် အခုအခါ မှာတော့ သူတို့ အနေနဲ့ ဒါတွေ လုပ်ဖို့ မလိုတော့ပဲ ၂၀၁၆-၁၇ ရာသီနောက်ပိုင်း ပထမဆုံးအကြိမ်အဖြစ် ထိပ်သီးလိဂ်ဆီ တက်လှမ်းဖို့ ပြင်ဆင်နိုင်ခဲ့ပြီ ဖြစ်ပါတယ်။

 

ပွဲစဉ်အကျဉ်း

ပွဲမစခင်ကတည်းက တင်းမာမှုတွေ ရှိခဲ့ပေမယ့် ပြင်းထန်တဲ့ အပူဒဏ်အောက်မှာ ကစားခဲ့ရတဲ့ ပွဲစဉ်ရဲ့ ပထမပိုင်း ကတော့ ပျင်းစရာ ကောင်းခဲ့ပြီး ၄၂ မိနစ် အထိတော့ ဒေးဗစ် စထရီလက်ရဲ့ လွဲချော်ခဲ့တဲ့ ခေါင်းတိုက်ချက် တစ်ကြိမ်သာ ရင်ခုန်စရာ ရှိခဲ့ပါတယ်။ ဒါပေမယ့် ပထမပိုင်းပြီးခါနီးမှာတော့ ပွဲက ရုတ်တရက် အသက်ဝင်လာခဲ့ပြီး မိုဟာမက် ဘယ်လိုမီရဲ့ ကန်ချက် လွဲချော်ခဲ့သလို၊ ဟားလ်စီးတီး အတွက် မက်ဘာနီရဲ့ လှပတဲ့ ခေါင်းတိုက်ချက် ကလည်း ဂိုးဘားတန်း ထိမှန်ခဲ့ပါတယ်။ တစ်ဖက် မှာလည်း ဘိုရို အတွက် စထရီလက်က ဂိုးဧရိယာထဲ အထိ အားစိုက် ဆွဲပြေးခဲ့ပေမယ့် ကန်ချက် ကတော့ ဂိုးပေါက်နဲ့ လွဲချော်ခဲ့ပါတယ်။

ကင်မ် ဟဲလ်ဘတ်ရဲ့ မစ်ဒယ်ဘရော့ဟာ ဒုတိယပိုင်းအစ ၃ မိနစ်မှာတင် အခွင့်အရေးကောင်း ရခဲ့ပြီး ဒါရယ် ဖရိုင်းရဲ့ ခေါင်းတိုက်ချက်က လွဲချော်ခဲ့ပါတယ်။ အဲဒီနောက် မတ်လကတည်းက ပေါင်ခြံ ဒဏ်ရာကြောင့် အနားယူနေခဲ့ရတဲ့ ဟေဒင် ဟက်ကနီ လူစားဝင် ကစားသမား အဖြစ် ပြန်လည် ပါဝင်လာခဲ့ပါတယ်။ ဟက်ကနီရဲ့ ဖန်တီးပေးမှု ကနေ ဆွန်ဂျီ ဟန်ဆန်က ဟားလ်စီးတီး ဂိုးသမား အိုင်ဗာ ပန်ဒါ ကို လက်စွမ်းပြ ကာကွယ်ရစေမယ့် ကန်ချက်မျိုး ပြုလုပ်နိုင်ခဲ့ပေမဲ့ လူကျွံဘော အဖြစ် သတ်မှတ်ခြင်း ခံခဲ့ရပါတယ်။ တခြား တစ်ဖက် မှာလည်း ဂျိုး ဂျဲလ်ဟတ်ရဲ့ ကန်ချက် လွဲချော်ခဲ့ပြီးနောက် စတုတ္ထဒိုင်လူကြီးက အနည်းဆုံး နာကျင်ကွင်းဆက်အချိန်ပို ၈ မိနစ်အထိ သတ်မှတ်ပေးခဲ့ပါတယ်။

အဲဒီအချိန်ပိုရဲ့ ၅ မိနစ် မြောက်မှာတော့ ဟီရီကာဝါက ဘယ်တောင်ပံ ကနေ ဆွဲပြေးပြီး ဖြတ်တင်ဘော ပေးပို့ခဲ့ရာမှာ မစ်ဒယ်ဘရော့ ဂိုးသမား ဘရိုင်း ကောင်းကောင်း မထိန်းနိုင်ဘဲ ဖမ်းချက် လွဲချော်ခဲ့ရာ ကနေ အသင့်ရှိနေတဲ့ မက်ဘာနီက ပိတ်သွင်းပါတယ်။ ဒီဂိုးကပဲ ဟားလ်စီးတီးရဲ့ ၉ နှစ်ကြာ ပရီးမီးယားလိဂ်နဲ့ ဝေးကွာနေမှုကို အဆုံးသတ်ပေးခဲ့ပါတယ်။

 

ပွဲပြီးအချက်အလက်နဲ့ မှတ်တမ်းများ

ဟားလ်စီးတီးနဲ့ မစ်ဒယ်ဘရော့ နှစ်သင်းစလုံးဟာ ၂၀၁၇ ခုနှစ်က ပရီးမီးယားလိဂ် ကနေ နောက်ဆုံး အကြိမ် တန်းဆင်းခဲ့ကြတာ ဖြစ်ပြီး၊ ဝမ်ဘလေကွင်းဆီ ရောက်လာတဲ့ လမ်းကြောင်းချင်း မတူညီကြပေမယ့် နှစ်သင်းစလုံးဟာ အိမ်မက်လိဂ်ဆီ ရောက်ဖို့ တစ်လှမ်းအလိုကို ရောက်ရှိနေခဲ့ကြတာ ဖြစ်ပါတယ်။

နောက်ဆုံး မှာတော့ မက်ဘာနီရဲ့ သွင်းဂိုးကပဲ အဆုံးအဖြတ် ဖြစ်သွားခဲ့ပြီး ဒါဟာ ဟားလ်စီးတီး အတွက် ချန်ပီယံရှစ် ပလေးအော့ဖ် ဗိုလ်လုပွဲ သမိုင်းတစ်လျှောက် ၃ ကြိမ်စလုံး အနိုင်ရရှိတဲ့ မှတ်တမ်းကောင်း ဖြစ်သွားခဲ့ပါတယ်။ ၂၀၀၈ ခုနှစ်မှာ ဘရစ္စတိုစီးတီး၊ ၂၀၁၆ ခုနှစ်မှာ ရှက်ဖီးလ်ဝမ်းနက်စ်ဒေး တို့ကို အနိုင်ရရှိခဲ့ဖူးပါတယ်။

မက်ဘာနီဟာ ပွဲချိန် ၉၄ မိနစ်နဲ့ ၇ စက္ကန့်မှာ ဂိုးသွင်းယူခဲ့တာကြောင့် ချန်ပီယံရှစ် ပလေးအော့ဖ် ဗိုလ်လုပွဲ သမိုင်းကြောင်းမှာ နှစ်နှစ်ဆက်တိုက် မိနစ် ၉၀ ကျော်မှ အဆုံးအဖြတ်ဂိုး ပေါ်ထွက်လာတဲ့ မှတ်တမ်း ဖြစ်လာခဲ့ပါတယ်။ ပြီးခဲ့တဲ့ နှစ်ကတော့ တွမ် ဝက်ဆင်က ဆန်းဒါးလန်း အတွက် ၉၄ မိနစ်နဲ့ ၃၄ စက္ကန့်မှာ တစ်လုံးတည်းသော အနိုင်ဂိုး သွင်းယူပေးပြီး ရှက်ဖီးလ်ယူနိုက်တက်ကို အနိုင်ရစေခဲ့တဲ့ ဟီးရိုး ဖြစ်ခဲ့ဖူးပါတယ်။

ဆာဂျေ ဂျာကီရိုဗစ်ရဲ့ ဟားလ်စီးတီးဟာ မျှော်လင့်ဂိုး (xG) ၀.၈၉ ရရှိခဲ့ပြီး မစ်ဒယ်ဘရော့ ကတော့ ၀.၈၇ ရရှိခဲ့ပါတယ်။ ဒါပေမဲ့ ဟဲလ်ဘတ်ရဲ့ မစ်ဒယ်ဘရော့ အသင်း ကန်သွင်းခဲ့တဲ့ ကန်ချက် ၁၃ ကြိမ်စလုံးမှာ တစ်ကြိမ်မှ ဂိုးပေါက်တည့်မှု မရှိခဲ့ပါဘူး။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်