ဒီကနေ့ ညနေခင်းအထိ ရရှိထားသမျှ ပရီးမီးယားလိဂ် အပါအဝင် ထိပ်သီးလိဂ်တွေရဲ့ နောက်ဆုံးရ သတင်းတွေကို SBOTOP ပရိသတ်တွေ အတွက် ဖော်ပြပေးလိုက်ပါတယ်။
နယူးကာဆယ် တိုက်စစ် ကစားသမား အန်သိုနီ ဂေါ်ဒွန်ကို ခေါ်ယူဖို့ ပရီးမီးယားလိဂ် ကလပ် အာဆင်နယ်ရဲ့ ကြိုးပမ်းမှုမှာ ဘေယန်မြူးနစ် ကပါ ပူးပေါင်း ပါဝင်လာပါတယ်။ ဂေါ်ဒွန် ကိုယ်တိုင် ကလည်း အာဆင်နယ် နည်းပြ မီခဲလ် အာတေးတားရဲ့ လက်အောက်မှာ ကစားဖို့ စိတ်ဝင်စားနေတယ်လို့ သိရပါတယ်။ ဒါပေမယ့်လည်း ငှက်ကြားတွေ ဘက်ကတော့ သူတို့ရဲ့ အဓိက ကစားသမား တစ်ဦးကို အလွယ်တကူ လက်လွှတ်သွားဖို့ မရှိပါဘူး။
ဘုန်းမောက် နောက်ခံလူ မားကို့စ် ဆီနက်ဆီကို ဒီနွေရာသီမှာ အလွတ် ပြောင်းရွှေ့ကြေးနဲ့ ခေါ်ယူဖို့ အတွက် ချဲလ်ဆီး၊ မန်ချက်စတာယူနိုက်တက်နဲ့ တော့တင်ဟမ်ဟော့စပါး အသင်း (၃) သင်းက ရေပန်းအစားဆုံး ဖြစ်နေပါတယ်။
လစ်ဗာပူးလ် ဂိုးသမား အလီဆွန် ဘက်ကာဟာ ကစားသမား ဘဝ ကနေ အနားမယူခင် စီးရီးအေမှာ နောက်ဆုံးအကြိမ် အဖြစ် သွားရောက်ကစားဖို့ ဆန္ဒရှိနေပြီး ဂျူဗင်တပ်စ်နဲ့ (၃) နှစ်စာချုပ် ချုပ်ဆိုဖို့ ဆွေးနွေးမှုတွေ ပြုလုပ်နေပါတယ်။
ဂျူဗင်တပ်စ်ဟာ အာဆင်နယ် တိုက်စစ်မှူး ဂါဘရီရယ် ဂျေဇုစ် ကိုလည်း ခေါ်ယူဖို့ ကြိုးစားနေပါတယ်။ အာဆင်နယ် ဘက်ကတော့ ဂျေဇုစ် အတွက် ပြောင်းရွှေ့ကြေး ပေါင် သန်း ၃၀ ရရင် ထွက်ခွာခွင့်ပြုမှာ ဖြစ်ပါတယ်။
မန်ချက်စတာယူနိုက်တက် ကွင်းလယ်လူ မန်နျူရယ် အူဂါတေးကို နယူးကာဆယ်က ခေါ်ယူချင်နေပေမယ့် ဂျူဗင်တပ်စ် ကပါ စိတ်ဝင်စားလာတဲ့ အတွက် အခြေအနေတွေက ရှုပ်ထွေးသွားနိုင်ပါတယ်။
ဂိုးသမား ဂျိမ်းစ် ထရက်ဖို့ဒ်က အသင်း ကနေ ထွက်ခွာခွင့်တောင်းရင် အငှားချဖို့ မန်စီးတီးက အဆင်သင့် ရှိနေပါတယ်။ ဒါပေမယ့် အပြီးသတ် ရောင်းချမယ် ဆိုရင်တော့ ပရီးမီးယားလိဂ် ထိပ်သီး တို့က ပေါင် သန်း ၄၀ ထက် ပိုရမှသာ စဉ်းစားမှာဖြစ်ပါတယ်။
မိုနာကို တောင်ပံကစားသမားလေး မက်ဂ်နက်စ် အက်လီယူချီကို အာဆင်နယ်က အရင်ကထက် ပိုမို စိတ်ဝင်စားနေပေမယ့် ချဲလ်ဆီး ကလည်း ကမ်းလှမ်းမှုတွေ စတင် လုပ်ဆောင်နေပြီ ဖြစ်ပါတယ်။
ချဲလ်ဆီး ကွင်းလယ်လူ အန်ဇို ဖာနန်ဒက်ဇ်ဟာ ရီးရဲလ်မက်ဒရစ်ကို ပြောင်းရွှေ့ဖို့ ပိုမိုနီးစပ်လာပါတယ်။ သူကိုယ်တိုင် ကလည်း အသင်းပြောင်းဖို့ အရိပ်အမြွက် ပြောကြားထားတာကြောင့် ရီးရဲလ်မက်ဒရစ် ဘက်က အခွင့်အရေးကို အမိအရ ဆုပ်ကိုင်ဖို့ ပြင်ဆင်နေတာပါ။
စပို့တင်းလစ္စဘွန်းရဲ့ ဘယ်နောက်ခံလူ မက်ဆီ အာရူဟိုကို အာဆင်နယ်နဲ့ ကစားခဲ့တဲ့ ပွဲမှာ ချဲလ်ဆီးနဲ့ တော့တင်ဟမ်ဟော့စပါး တို့က ကင်းထောက်လွှတ်ပြီး စောင့်ကြည့်ခဲ့ကြပါတယ်။
ဒီနွေရာသီမှာ စာချုပ် သက်တမ်းကုန်ဆုံးမယ့် ဆဲလ်တာဗီဂို နောက်ခံလူ အော်စကာ မင်ဂွဲဇားကို အာဆင်နယ်၊ မန်စီးတီး၊ လစ်ဗာပူးလ်နဲ့ စပါး အပါအဝင် ပရီးမီးယားလိဂ် အသင်းကြီး အများအပြားက ခေါ်ယူဖို့ စောင့်ကြည့်နေကြပါတယ်။
ဘာစီလိုနာ ကွင်းလယ်လူ မာ့ခ် ကာဆာဒိုကို စပါးနဲ့ ဝက်စ်ဟမ်း တို့က စိတ်ဝင်စားနေပေမယ့် ဆော်ဒီပရိုလိဂ် ကလပ်တွေနဲ့ပါ ယှဉ်ပြိုင်ရဖို့ ရှိနေပါတယ်။
ဘာစီလိုနာဟာ မန်စီးတီး တိုက်စစ်မှူး အာလင်း ဟာလန်းကို ခေါ်ယူဖို့ ကြိုးပမ်းမှုကို လက်လျှော့လိုက်ပြီ ဖြစ်ပါတယ်။ အကြောင်းရင်း ကတော့ ပြောင်းရွှေ့ကြေးနဲ့ လုပ်ခလစာ အလွန်အမင်း မြင့်မားလွန်းတာကြောင့် ဖြစ်ပါတယ်။ ဟာလန်းကို လက်လျှော့ပြီးနောက် ဘာစီလိုနာဟာ အက်တလက်တီကိုမက်ဒရစ် တိုက်စစ်မှူး ဟူလီယန် အဲလ်ဗာရက်ဇ်ကို အဓိက ပစ်မှတ် အဖြစ် ပြောင်းလဲ သတ်မှတ်လိုက်ပြီး ဒေါ့မန် တိုက်စစ်မှူး ဆာဟူး ဂူရက်ဆီ ကိုတော့ ဒုတိယ ဦးစားပေး အဖြစ် ထားရှိထားပါတယ်။
ဘာစီလိုနာရဲ့ ကြယ်ပွင့် ကစားသမားလေး လာမင်း ယာမယ် ကတော့ အသင်း အနေနဲ့ ဂါလာတာဆာရေး တိုက်စစ်မှူး ဗစ်တာ အိုဆင်မ်ဟန် ကိုသာ ခေါ်ယူစေချင်ကြောင်း သူ့ရဲ့ ဆန္ဒကို ရှင်းရှင်းလင်းလင်း ထုတ်ဖော် ပြောဆိုထားပါတယ်။
ဝါရင့် တိုက်စစ်မှူး ရောဘတ် လီဝမ်ဒေါစကီးဟာ အခုထက်ထိ ဘာစီလိုနာ အသင်းဆီက စာချုပ်သစ် ကမ်းလှမ်းမှု မရရှိသေးတာကြောင့် စာချုပ်သက်တမ်းတိုးဖို့ အခြေအနေဟာ ပိုမိုခက်ခဲလာနေပါတယ်။
ကလော့ပ်က အသင်းကို ရောက်လာရင် အတွေ့အကြုံရင့် နောက်ခံလူ (၂) ဦး၊ ကွင်းလယ်လူ (၂) ဦးနဲ့ အတူ မန်စီးတီး တိုက်စစ်မှူး အားလင်း ဟာလန်း ကိုပါ ခေါ်ယူပေးဖို့ အသင်းဘုတ်အဖွဲ့ကို တောင်းဆိုထားပါတယ်။
ပရီးမီးယားလိဂ် အသင်းကြီးတွေက အကြိမ်ကြိမ် ကမ်းလှမ်းနေပေမယ့် ဗင်နီးစီးယပ်စ် ကတော့ ရီးရဲလ်မက်ဒရစ် မှာသာ စာချုပ်သစ်ချုပ်ဆိုပြီး ဆက်နေလိုကြောင်း အခိုင်အမာ ပြောကြားထားပါတယ်။
ရီးရဲလ်မက်ဒရစ်ဟာ ဒေါ့မန် နောက်ခံလူ နီကို ရှလော့တ်တာဘက်ခ်ရဲ့ စာချုပ်ပါ အလွတ်ပြောင်းရွှေ့ကြေးကို ပေးချေပြီး ခေါ်ယူဖို့ စဉ်းစားနေပါတယ်။ ထူးခြားတာက ရှလော့တ်တာဘက်ခ်ဟာ ဒီအပတ်ထဲ မှာတင် ဒေါ့မန်နဲ့ စာချုပ်သစ် ချုပ်ဆိုထားတာပဲ ဖြစ်ပါတယ်။
အက်တလက်တီကိုမက်ဒရစ်ဟာ အတ္တလန္တာ ကွင်းလယ်လူ အီဒါဆင်ကို ခေါ်ယူဖို့ ဆွေးနွေးရာမှာ အကြပ်အတည်းနဲ့ ရင်ဆိုင်နေရပါတယ်။ အီဒါဆင်ဟာ အက်တလက်တီကိုမက်ဒရစ်ကို ပြောင်းရွှေ့ဖို့ အတွက် အာဆင်နယ်၊ မန်ချက်စတာယူနိုက်တက်နဲ့ နယူးကာဆယ် တို့ရဲ့ ကမ်းလှမ်းမှုတွေကို ငြင်းပယ်ခဲ့သူ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
