မန်ချက်စတာယူနိုက်တက် ကနေ အငြင်းပွားဖွယ် ကိစ္စတွေနဲ့ ထွက်ခွာခဲ့ရတဲ့ အလက်ဟန်ဒရို ဂါနာချိုက သူဟာ အမှားတချို့ လုပ်ခဲ့မိနိုင်ပေမယ့် ချဲလ်ဆီးကို ပြောင်းရွှေ့ခဲ့တဲ့ အပေါ် “ နောင်တမရဘူး” လို့ ဖွင့်ဟ ပြောကြားလိုက်ပါတယ်။ လက်ရှိမှာ ချဲလ်ဆီးရဲ့ ပတ်ဝန်းကျင်သစ်နဲ့ အသားကျဖို့ ကြိုးစားနေရဆဲ ဖြစ်တဲ့ ဂါနာချိုက ယူနိုက်တက် ကနေ ထွက်ခွာခဲ့ရတဲ့ အပေါ် ပရီးမီးယားလိဂ် Productions နဲ့ အင်တာဗျူးမှာ အခုလို ပြောပြခဲ့တာပါ။
၂၀၂၄ ခုနှစ် ဒီဇင်ဘာလတုန်းက မားကပ်စ် ရက်ရှ်ဖို့ဒ်နဲ့ အတူ အသင်း လူစာရင်း ကနေ ချန်လှပ်ခံခဲ့ရပြီးနောက် ဂါနာချိုဟာ နည်းပြ ရူဘင် အမော်ရင်ရဲ့ ယုံကြည်မှုကို ပြန်ရဖို့ ကြိုးစားခဲ့ပါတယ်။ ဒါပေမယ့် ယူရိုပါလိဂ် ဗိုလ်လုပွဲမှာ သူ့ကို အရန်ခုံမှာပဲ ထားခဲ့တဲ့ အမော်ရင်ရဲ့ ဆုံးဖြတ်ချက် အပေါ် ဂါနာချိုက လူသိရှင်ကြား ဒေါသတကြီး တုံ့ပြန်ခဲ့ပြီးနောက်မှာတော့ နည်းပြနဲ့ ဆက်ဆံရေးဟာ ပြုပြင်မရအောင် ပျက်စီးသွားခဲ့ပါတယ်။
အဲ့ဒီနောက်မှာတော့ ၂၀၂၅ ခုနှစ် နွေရာသီမှာ ချဲလ်ဆီးက သူ့ကို ပြောင်းရွှေ့ကြေး ပေါင် ၄၀ သန်းနဲ့ အမြန်ဆုံး ခေါ်ယူခဲ့တာ ဖြစ်ပါတယ်။ ယူနိုက်တက် ကနေ ထွက်ခွာခဲ့ရတဲ့ ပုံစံ အပေါ် နောင်တရသလားလို့ မေးမြန်းရာ မှာတော့ ဂါနာချိုက “ဖြစ်နိုင်ပါတယ်၊ ဘာလို့လဲဆိုတော့ ကျွန်တော် အဲ့ဒီ ကလပ်ကို ချစ်လို့ပါ။ စပိန်မှာ ရှိနေကတည်းက ကျွန်တော့်ကို အကယ်ဒမီကို ခေါ်လာတယ်။ ပြီးတော့ ပထမ အသင်းဆီ ပို့ပေးခဲ့တယ်၊ ပရိသတ်တွေ ဆီကရော လူတိုင်းဆီကပါ မေတ္တာတွေ အများကြီး ရခဲ့ပါတယ်။” လို့ ဆိုပါတယ်။
ဆက်လက်ပြီး “ယူနိုက်တက်မှာ နောက်ဆုံး ၆ လ အတွင်း ကျွန်တော် အရင်လို မကစားရတော့ဘဲ အရန်ခုံမှာပဲ ထိုင်နေရပါတယ်။ ကျွန်တော့် စိတ်ထဲ မှာတော့ ပွဲတိုင်း ကစားချင်နေခဲ့တာပါ။ အဲ့ဒီအချိန်မှာ ကျွန်တော် ‘မကောင်းတဲ့ အပြုအမူတချို့’ လုပ်ခဲ့မိပါတယ်။ ဒါပေမယ့် ဒါက ဘဝရဲ့ အလှည့်အပြောင်း တစ်ခုပါ၊ အခု ချဲလ်ဆီးလို ကလပ်မျိုးမှာ ရှိနေရတာကို ဂုဏ်ယူသလို နောင်တလည်း မရပါဘူး။” လို့ ဂါနာချိုက ဆိုပါတယ်။
လွန်ခဲ့တဲ့ နှစ်အနည်းငယ်က ဂါနာချိုဟာ ယူနိုက်တက်ရဲ့ အကောင်းဆုံး ကစားသမား တစ်ဦး ဖြစ်ခဲ့ပြီး တန်ကြေး ပေါင် သန်း ၁၀၀ ကျော် အထိ သတ်မှတ်ခံခဲ့ရသူပါ။ ဒါပေမယ့် ပုံစံပျက်ယွင်းမှုတွေနဲ့ ကွင်းပြင်ပ အပြုအမူပိုင်း ဆိုင်ရာ မေးခွန်းထုတ်မှုတွေကြောင့် ယူနိုက်တက်က သူ့ကို ဈေးလျှော့ပြီး ရောင်းချခဲ့တာ ဖြစ်ပါတယ်။
ချဲလ်ဆီးကို ရောက်ရှိလာပြီးနောက် မှာတော့ ဂါနာချိုဟာ အရင်က ခြေစွမ်းမျိုး ပြန်မရသေးဘဲ ပရီးမီးယားလိဂ် ၁၄ ပွဲမှာ ၁ ဂိုးသာ သွင်းယူနိုင်ပါသေးတယ်။ လတ်တလော ထွက်ပေါ်နေတဲ့ သတင်းတွေ အရ ချဲလ်ဆီးဟာ လာမယ့် နွေရာသီမှာ ဂါနာချိုကို ပြန်လည် ရောင်းချဖို့ စဉ်းစားနေတယ်လို့ သိရပါတယ်။ အလက်ဟန်ဒရို ဂါနာချို ကတော့ ပရီးမီးယားလိဂ် ကလပ် မန်ချက်စတာယူနိုက်တက်မှာ ပွဲပေါင်း ၁၄၄ ပွဲ ကစားပြီး ၂၆ ဂိုး သွင်းယူထားပါတယ်။ ဂါနာချိုက ချဲလ်ဆီး မှာတော့ ၃၇ ပွဲ ကစားပြီး ၈ ဂိုး သွင်းယူထားပါတယ်။ လက်ရှိမှာ ဂါနာချိုက ဈေးကွက် တန်ကြေး ပေါင်သန်း ၅၀ ကျော် သတ်မှတ်ခံထားရဆဲ ဖြစ်ပါတယ်။
အကျဉ်းချုပ်အားဖြင့် ဆိုရရင်တော့ ဂါနာချို အနေနဲ့ သူ့ရဲ့ ကျဆင်းသွားတဲ့ နာမည် ဂုဏ်သတင်းကို ပြန်လည် အဖတ်ဆယ်ဖို့ အတွက် အမြန်ဆုံး ကြိုးစားသွားရမယ့် အခြေအနေမှာ ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
