မေဂျာလိဂ် ကလပ် အက်ဖ်စီ စင်စင်နာတီ ကတော့ ဘရာဇီးလ်ရဲ့ နာမည်ကျော် ကစားသမား တစ်ဦး ဖြစ်တဲ့ နေမာ ဂျူနီယာကို ခေါ်ယူဖို့ ခြေလှမ်းပြင်နေပါတယ်။ စင်စင်နာတီဟာ ပြီးခဲ့တဲ့ နွေရာသီမှာ ဂျာမန် ဂန္ထဝင် သောမတ်စ် မူလာကို ခေါ်ယူဖို့ ကြိုးစားခဲ့ပေမယ့် မအောင်မြင်ခဲ့သလို၊ ဂျူဗင်တပ်စ် ကြယ်ပွင့် ဝက်စတန် မက်ကန်နီ ကိုလည်း ခေါ်ယူနိုင်ခဲ့ခြင်း မရှိတဲ့ အသင်း ဖြစ်ပါတယ်။ ဒါပေမယ့် လက်ရှိမှာတော့ စင်စင်နာတီဟာ နေမာရဲ့ အေးဂျင့်တွေနဲ့ ကနဦး ဆွေးနွေးမှုတွေ ပြုလုပ်နေကြောင်း The Athletic က ဖော်ပြလာပါတယ်။
နေမာက ဘာကြောင့် စင်စင်နတီကို ရွေးချယ်နိုင်တာလဲ
စင်စင်နာတီမြို့ဟာ ဘရာဇီးလ် လူမျိုးတွေ အခြေချနေထိုင်မှု သိပ်မများတဲ့ မြို့တစ်မြို့ပါ။ ဒါဟာ နေမာ အတွက် အားသာချက် ဖြစ်သွားနိုင်ပါတယ်။ အဓိက ကတော့ လွတ်လပ်စွာ နေထိုင်ခွင့် ဖြစ်ပြီး သောမတ်စ် မူလာတုန်းက စင်စင်နာတီကို မရွေးချယ်ခဲ့တာဟာ အဲဒီမြို့မှာ ဂျာမန် လူမျိုးတွေ အရမ်းများလွန်းတာကြောင့် စျေးကွက် ရှာဖွေရေး ကိရိယာ တစ်ခုလို အသုံးချခံရမှာ စိုးရိမ်လို့ ဖြစ်ပါတယ်။ နေမာ အတွက်တော့ စင်စင်နတီမှာ နေထိုင်ခြင်းက လူအများရဲ့ အာရုံစိုက် ကြည့်ရှုခြင်း ဒဏ်ကနေ ကင်းဝေးပြီး ဘောလုံးကိုပဲ အာရုံစိုက်နိုင်စေမှာပါ။
နောက်တစ်ချက်က ဖိအား နည်းပါးတာ ဖြစ်ပြီး မိုင်ယာမီမှာ မက်ဆီနဲ့ အတူ ကစားတာ ဒါမှမဟုတ် နယူးယောက်လို မြို့ကြီးတွေမှာ ကစားတာထက်စာရင် စင်စင်နာတီမှာက နေ့စဉ်ဘဝ ဖြတ်သန်းမှုဟာ ပိုပြီး အေးအေးချမ်းချမ်း ရှိစေမှာ ဖြစ်ပါတယ်။ တတိယအချက် ကတော့ အသင်းရဲ့ စုဖွဲ့မှု အင်အား ဖြစ်ပါတယ်။ နေမာ အနေနဲ့ ရုန်းကန်နေရတဲ့ အသင်းမျိုး (ဥပမာ – မင်နီဆိုတာမှာ ဂျိမ်းစ် ရိုဒရီဂွက်ဇ် ရင်ဆိုင်နေရသလိုမျိုး) ကို သွားတာ မဟုတ်ဘဲ၊ တောင့်တင်းပြီးသား အသင်းကို ပိုမိုပြည့်စုံသွားအောင် ဖြည့်ဆည်းပေးရမယ့် အခန်းကဏ္ဍ ကနေ ပါဝင်ရမှာပါ။
ဒါ့အပြင် ဘရာဇီးလ် အစုအဖွဲ့ ကလည်း အရေးပါနေပါတယ်။ မေဂျာလိဂ် ကလပ်မှာ ဘရာဇီးလ်သားတွေ ဖြစ်တဲ့ အီဗန်ဒါနဲ့ တိုက်စစ်မှူး ကယ်ဗင် ဒန်ကီတို့ ရှိနေတာ ကလည်း နေမာ အတွက် အထောက်အကူ ဖြစ်စေမှာပါ။ အီဗန်ဒါ ကတောင် “နေမာသာ စင်စင်နတီကို လာမယ်ဆိုရင် အင်တာမိုင်ယာမီက အာဂျင်တီးနားသားတွေနဲ့ ငါတို့ ဘရာဇီးလ်သားတွေ ပြိုင်ပွဲ ကစားလို့ရပြီ။” လို့ အရွှန်းဖောက် ပြောဆိုခဲ့ဖူးပါတယ်။
နေမာကို ဘယ်လိုနည်းနဲ့ ခေါ်ယူနိုင်မလဲ
မေဂျာလိဂ် ကလပ်ဟာ နေမာကို စိတ်ဝင်စားနေပေမယ့် လက်ရှိမှာ အဟန့်အတားကြီး တစ်ခု ရှိနေပါတယ်။ အဲ့ဒါ ကတော့ Designated Player (DP) လို့ခေါ်တဲ့ အထူးလစာပေးခွင့် ရှိတဲ့ နေရာ ၃ နေရာ စလုံးက ပြည့်နေတာပါ။ လက်ရှိမှာ အီဗန်ဒါ၊ ကယ်ဗင် ဒန်ကီ နဲ့ မိုင်းလ်စ် ရော်ဘင်ဆင် တို့က အဲ့ဒီ နေရာတွေကို ယူထားပါတယ်။ နေမာကို တစ်နှစ် လစာ ဒေါ်လာ ၁.၈ သန်းထက် ပိုပေးပြီး ခေါ်ချင်တယ် ဆိုရင် လက်ရှိ DP ၃ ယောက်ထဲက တစ်ယောက်ကို မဖြစ်မနေ ထုတ်ပယ် ဒါမှမဟုတ် ရောင်းချရမှာပါ။
ဒါကြောင့် အရှိန်မရသေးတဲ့ တိုက်စစ်မှူး ဒန်ကီဟာ အသင်း ကနေ ထွက်ခွာရမယ့်သူ ဖြစ်လာနိုင်ပါတယ်။ ဒန်ကီကို ရောင်းချလိုက်ခြင်းက နေမာ အတွက် နေရာရလာစေမှာ ဖြစ်သလို၊ အီဗန်ဒါနဲ့ ပိုမိုတွဲဖက်ညီမယ့် တိုက်စစ်မှူးသစ် တစ်ဦး ကိုပါ ရှာဖွေဖို့ အခွင့်အရေး ရလာမှာ ဖြစ်ပါတယ်။ အကယ်၍ နေမာသာ မေဂျာလိဂ်ကို တကယ် ရောက်လာမယ် ဆိုရင် မက်ဆီ၊ မူလာ၊ ရိုဒရီဂွက်ဇ်၊ ဆွန်ဟောင်မင်၊ ဒီပေါလ် နဲ့ ဂရစ်ဇ်မန်း တို့လို ကမ္ဘာ့အဆင့်မီ ကြယ်ပွင့်တွေထဲမှာ နောက်ထပ် ထပ်တိုးလာမယ့် စူပါစတား တစ်ဦး ဖြစ်လာမှာပါ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
