ဒီကနေ့ ညနေခင်းအထိ ရရှိထားသမျှ လာလီဂါ အပါအဝင် ထိပ်သီးလိဂ်တွေရဲ့ နောက်ဆုံးရ သတင်းတွေကို SBOTOP ပရိသတ်တွေ အတွက် ဖော်ပြပေးလိုက်ပါတယ်။
Fichajes ရဲ့ ဖော်ပြချက်အရ ပဲရစ်စိန့်ဂျာမိန်း အသင်းဟာ ရီးရဲလ်မက်ဒရစ် အသင်းရဲ့ ပစ်မှတ် ဖြစ်သလို ဘေယန်မြူးနစ် အသင်းရဲ့ စူပါစတားလည်း ဖြစ်တဲ့ မိုက်ကယ် အိုလီဆေး ကို ခေါ်ယူဖို့ အတွက် ယူရို သန်း ၁၈၀ အထိ ရှိနိုင်မယ့် ကမ်းလှမ်းမှု တစ်ရပ် ပြုလုပ်ဖို့ ပြင်ဆင်နေပါတယ်။
တစ်ဖက်မှာတော့ ရီးရဲလ်မက်ဒရစ်ရဲ့ နည်းပြသစ် ဟိုဆေး မော်ရင်ညိုဟာ အသင်းထဲကို ကစားသမားသစ်တွေ ခေါ်ယူဖို့ စဉ်းစားနေရုံတင်မကဘဲ အသင်းကနေ မဖြစ်မနေ ရောင်းထုတ်ရမယ့် ပထမ အသင်း ကစားသမား ၅ ဦးကိုပါ အမည်စာရင်း သတ်မှတ်လိုက်ပြီလို့ Cadena SER က ဆိုပါတယ်။ ၎င်းတို့ ကတော့ တိုက်စစ် ကစားသမားတွေ ဖြစ်တဲ့ ဂွန်ဇာလို ဂါစီယာ၊ ဖရန်ကို မက်စတန်တူအိုနို၊ ဘရာဟင် ဒီးယက်ဇ် တို့နဲ့အတူ ကွင်းလယ်လူ အက်ဒူယာဒို ကာမာဗင်ဂါနဲ့ နောက်ခံလူ ဖရန် ဂါစီယာ တို့ပဲ ဖြစ်ပါတယ်။
ဒီကြားထဲ ပိုပြီး ထိုးနှက်ချက်ပြင်းတဲ့ သတင်းတစ်ခု ကတော့ El Nacional က ထွက်ပေါ်လာတာပါ။ လာလီဂါ ကလပ် ရီးရဲလ်ရဲ့ လူငယ် ကြယ်ပွင့် အန်းဒရစ်ခ် ဟာလည်း ဒီနွေရာသီမှာ အသင်းပြောင်းရနိုင်ခြေ ရှိနေပါတယ်။ ပိုပြီး စိတ်လှုပ်ရှားစရာ ကောင်းတာက ဘာစီလိုနာ တိုက်စစ်မှူး ရာဖင်ညာနဲ့ သူရဲ့ ရင်းနှီးတဲ့ ဆက်ဆံရေးကြောင့် အန်းဒရစ်ခ် တစ်ယောက် ရီးရဲလ်မက်ဒရစ် ကနေ ပြိုင်ဘက် ဘာစီလိုနာ အသင်းဆီ တိုက်ရိုက်ပြောင်းရွှေ့သွားနိုင်တယ် ဆိုတဲ့ ကောလာဟလတွေပါ အကြီးအကျယ် ထွက်ပေါ်နေလို့ပါပဲ။
AS သတင်းစာရဲ့ အဆိုအရ ဘာစီလိုနာအသင်းဟာ အက်တလက်တီကိုမက်ဒရစ် အသင်းက တိုက်စစ်မှူး ဂျူလီယန် အဲလ်ဗာရက်ဇ် အတွက် ဈေးနှုန်း အဆမတန် တောင်းဆိုနေမှုကို ဆက်လက် တင်းခံနေမယ်ဆိုရင် ချဲလ်ဆီး တိုက်စစ်မှူး ယာအို ပတ်ဒရို ဆီကို လမ်းကြောင်းပြောင်းဖို့ အဆင်သင့် ဖြစ်နေပါတယ်။ လက်ရှိ လာလီဂါ ချန်ပီယံ ဘာစီလိုနာ အသင်းနဲ့ ယာအို ပတ်ဒရိုတို့ အကြား ပုဂ္ဂိုလ်ရေးဆိုင်ရာ သဘောတူညီမှုတွေပါ ရရှိထားပြီးပြီလို့ သတင်းတွေက ဆိုပါတယ်။
ဒါပေမယ့် ဘာစီလိုနာ အတွက် ခေါင်းခဲစရာက ခံစစ်နဲ့ ကွင်းလယ်မှာ ရှိနေပါတယ်။ El Nacional ရဲ့ ဖော်ပြချက်အရ ပီအက်စ်ဂျီနည်းပြ လူးဝစ် အန်နရီကေးဟာ ဘာစီလိုနာ နောက်ခံလူ ဂျူးလ်စ် ကွန်ဒေးကို ခေါ်ယူဖို့ အလွန်စိတ်အားထက်သန်နေပြီး ကမ္ဘာ့ဖလား ပြိုင်ပွဲ မစတင်မီကတည်းက အပြောင်းအရွှေ့ သဘောတူညီမှု ရရှိအောင် လုပ်ဆောင်ပေးဖို့ အသင်း တာဝန်ရှိသူတွေကို တောင်းဆိုထားခဲ့တာပါ။
Fichajes ရဲ့ သတင်းအရ ရီးရဲလ်မက်ဒရစ်ဥက္ကဋ္ဌ ဖလော်ရင်တီနို ပီရက်ဇ်ဟာ ဘာစီလိုနာရဲ့ အသည်းနှလုံး ကွင်းလယ်လူ ပီဒရီကို ယူရို ၁၅၀ သန်း တန်ကြေးရှိမယ့် ကမ်းလှမ်းမှုမျိုးနဲ့ အရခေါ်ယူဖို့ ခြေလှမ်းပြင်နေတယ်လို့ သိရပါတယ်။
Mundo Deportivo ရဲ့ ဖော်ပြချက်အရ ဆော်ဒီကလပ်တွေ ဖြစ်တဲ့ အဲလ်ဟီလာနဲ့ အဲလ်နာဆာ အသင်း တို့ဟာ ဘာစီလိုနာ တိုက်စစ်မှူး ရာဖင်ညာကို ခေါ်ယူဖို့ အတွက် ယူရို သန်း ၈၀ အထိ ပေးချေဖို့ အသင့်ရှိနေပါတယ်။ ဒါ့အပြင် ရာဖင်ညာကို လက်ရှိ ဘာစီလိုနာမှာ ရနေတဲ့ လစာထက် ၄ ဆအထိ ပိုမိုများပြားမယ့် စာချုပ်မျိုးနဲ့ မက်လုံးပေး ဆွဲဆောင်နေတယ်လို့ သိရပါတယ်။
ချဲလ်ဆီး နည်းပြ ဇာဗီ အလွန်ဆိုဟာ လာလီဂါ ကလပ် ရီးရဲလ်မက်ဒရစ်ရဲ့ ကြယ်ပွင့် ကွင်းလယ်လူ အာဒါ ဂူလာကို သူ့ရဲ့ နံပါတ်တစ် ပစ်မှတ် အဖြစ် သတ်မှတ်လိုက်ပြီလို့ SportsBoom က ဖော်ပြထားပါတယ်။ ချဲလ်ဆီး အသင်းဟာ ဒီတူရကီ လက်ရွေးစင်လေးကို ရရှိဖို့ အတွက် ပေါင် သန်း ၁၀၀ အထိရှိမယ့် ကမ်းလှမ်းမှုတစ်ခု ပြင်ဆင်နေပြီး အာဆင်နယ်နဲ့ လစ်ဗာပူးလ် တို့ကလည်း အခြေအနေကို စောင့်ကြည့်နေကြပါတယ်။
တစ်ဖက်မှာတော့ ရီးရဲလ်မက်ဒရစ်ဟာ နယူးကာဆယ်အသင်းက ပေးမယ့် လစာထက် နည်းပါးပေမယ့်လည်း မန်စီးတီး ကြယ်ပွင့်ဟောင်း ဘာနာဒို ဆေးလ်ဗားကို အသင်းဆီ ရောက်ရှိလာဖို့ ဆွဲဆောင်နိုင်ခဲ့တယ်လို့ Indykaila က ဆိုပါတယ်။ ဒါကြောင့်မို့လို့ ဘာနာဒို ဆေးလ်ဗားကို လွဲချော်ခဲ့တဲ့ ဂျူဗင်တပ်စ် အသင်းဟာ Gazzetta dello Sport ရဲ့ အဆိုအရ ရီးရဲလ်ကနေ မော်ရင်ဟို ရှင်းထုတ်မယ့် အထဲမှာ ပါဝင်တဲ့ ဘရာဟင်မ် ဒီးယက်ဇ် ကို ၎င်းတို့ရဲ့ အဓိက ဦးစားပေး ပစ်မှတ် အဖြစ် ပြောင်းလဲ သတ်မှတ်လိုက်ပါတယ်။
မန်ချက်စတာယူနိုက်တက် အသင်းကတော့ နော့တင်ဟမ်ဖောရက်စ်ရဲ့ ကွင်းလယ်လူ အဲလီယော့တ် အန်ဒါဆန်ကို မန်စီးတီးထံ အပါမခံရဖို့အတွက် အရှုံးမပေးဘဲ ဆက်လက် ကြိုးပမ်းနေပါတယ်။ The Guardian ရဲ့ ဖော်ပြချက်အရ ယူနိုက်တက် အသင်းပိုင်ရှင် ဆာဂျင်မ် ရက်ကလစ်ဖ်က အန်ဒါဆန်သာ အိုးထရက်ဖို့ဒ်ကို ပြောင်းရွှေ့ဖို့ သဘောတူရင် သူတောင်းဆိုတဲ့ လစာ အတိုင်း ပေးချေဖို့ အဆင်သင့်ပဲလို့ ထုတ်ပြောထားပါတယ်။ ဒါ့အပြင် ယူနိုက်တက်ဟာ တော့တင်ဟမ်ဟော့စပါးရဲ့ ဗဟိုခံစစ်မှူး ခရစ်စတီယန် ရိုမီယိုကို ခေါ်ယူဖို့ အတွက်လည်း ကမ်းလှမ်းမှု တစ်ခု ပြင်ဆင်နေတယ်လို့ အာဂျင်တီးနား သတင်းထောက် ဂက်စတွန် အီဒူးလ်က ဆိုပါတယ်။
El Nacional ရဲ့ ဖော်ပြချက်အရ ရီးရဲလ်ဘက်တစ် ကစားသမား အက်ဇ် အက်ဘ်ဒီ ဟာ ပြင်းထန်တဲ့ ဒဏ်ရာကြောင့် ကမ္ဘာ့ဖလား ပြိုင်ပွဲကို လွဲချော်ရတော့မှာ ဖြစ်သလို ဒီနွေရာသီမှာ နယူးကာဆယ် အသင်းဆီ ပြောင်းရွှေ့ဖို့ ရှိနေတဲ့ အခွင့်အရေးပါ ပျက်ပြားသွားနိုင်ပါတယ်။ ဒါဟာ အက်ဘ်ဒီကို ရောင်းချရငွေရဲ့ ၂၀ ရာခိုင်နှုန်းကို ရရှိမယ့် ဘာစီလိုနာ အသင်း အတွက်ပါ စီးပွားရေးအရ ထိုးနှက်ချက် တစ်ခု ဖြစ်သွားခဲ့ပါတယ်။
နောက်ထပ် ခံစစ်မှူး သတင်းတွေ အနေနဲ့ ရီးရဲလ်ဆိုစီဒက် အသင်း ကတော့ ၎င်းတို့ရဲ့ အရည်အချင်းရှိ ဗဟိုခံစစ်မှူး ဂျွန် မာတင် ကို အက်စတွန်ဗီလာရဲ့ အဖွင့်ကမ်းလှမ်းမှုထက် နှစ်ဆပိုများတဲ့ ယူရို သန်း ၅၀ ရမှသာ ရောင်းချမယ်လို့ တင်းခံထားပါတယ်။ ဆိုစီဒက်ဟာ အာဆင်နယ်၊ ဘာစီလိုနာနဲ့ အက်တလက်တီကို မက်ဒရစ်တို့ရဲ့ စိတ်ဝင်စားမှုကြောင့် ဈေးပြိုင်စနစ် ဖြစ်လာဖို့ မျှော်လင့်နေတာပါ။ တစ်ဖက် မှာတော့ ရီးရဲလ်မက်ဒရစ်ဟာ ခံစစ်ပိုင်းအတွက် ဒေါ့မန် နောက်ခံလူ နီကို ရှလော့တ်တာဘက်ခ် ကို ပြန်လည် မျက်စိကျလာပြီး ယူရို သန်း ၆၀ ရှိတဲ့ စာချုပ်ဖျက်သိမ်းကြေးကို မပေးသွင်းမီ ကစားသမားနဲ့ ပုဂ္ဂိုလ်ရေး သဘောတူညီမှု အရင် ရရှိဖို့ ကြိုးစားနေတယ်လို့ BILD က ဖော်ပြထားပါတယ်။
နောက်ဆုံး အနေနဲ့ ဘာစီလိုနာ အသင်းရဲ့ အနာဂတ် အတွက် လူငယ်အခြေပြု ကင်းထောက် မှတ်တမ်းတွေ အရ ဘေယန်မြူးနစ်ရဲ့ လင်နတ် ကားလ်၊ အေဇက်အယ်လ်ခမာရဲ့ ကီးစ် စမစ်၊ ပေါ်တိုရဲ့ ရိုဒရီဂို မိုရာ၊ နယူးကာဆယ်ရဲ့ လူးဝစ် မိုင်လေနဲ့ လေဗာကူဆင်ရဲ့ အီဘရာဟင် မာဇာ တို့ဟာ ဘာစီလိုနာရဲ့ စောင့်ကြည့်ခြင်း ခံနေရတဲ့ ထိပ်တန်း လူငယ်ကြယ်ပွင့်တွေ ဖြစ်နေကြပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
