အခုတစ်ခါမှာတော့ ဒီဇင်ဘာ ၁၄ ရက်နေ့ အတွက် ရရှိထားသမျှ လာလီဂါရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
အဲလ်ဟီလာ အသင်း ကတော့ ကီလီယန် အမ်ဘာပေးကို ကမ္ဘာ့စံချိန်တင် ပြောင်းရွှေ့ကြေး ယူရို ၃၅၀ သန်းနဲ့ ကမ်းလှမ်းခဲ့ပေမယ့် ရီးရဲလ်မက်ဒရစ် ဘက်က ချက်ချင်း ပယ်ချခဲ့ကြောင်း Fichajes က ဖော်ပြပါတယ်။ အမ်ဘာပေး ကတော့ လာလီဂါ ထိပ်သီးတို့ ကာလရှည်ကြာ အသည်းအသန် ကြိုးပမ်းခဲ့ရတဲ့ ကစားသမား ဖြစ်နေတာကြောင့် လက်လွှတ်သွားလိုခြင်းတော့ မရှိပါဘူး။
ပရီးမီးယားလိဂ် ချန်ပီယံ လစ်ဗာပူးလ်ရဲ့ ရေရှည် ပစ်မှတ် ဖြစ်တဲ့ ဘေယန်မြူးနစ် တောင်ပံ ကစားသမား မိုက်ကယ် အိုလီဆေး ကတော့ ဘာစီလိုနာ သို့မဟုတ် ရီးရဲလ်မက်ဒရစ်ဆီ ပြောင်းရွှေ့ဖို့ စိတ်အား ထက်သန်နေကြောင်း TEAMtalk က ဖော်ပြပါတယ်။
အန်တိုနီယို ရူဒီဂါ ကို ခေါ်ယူဖို့ စိတ်ဝင်စားနေတဲ့ ဂါလာတာဆာရေး ကတော့ ရီးရဲလ်မက်ဒရစ် အသင်းဖော်ပဲ ဖြစ်တဲ့ ဒေးဗစ် အလာဘာကို အာရုံစိုက်လာကြောင်း Defensa Central က ဖော်ပြပါတယ်။
အင်တာမီလန် တိုက်စစ်မှူး လော်တာရို မာတီနက်ဇ် ကတော့ ဘာစီလိုနာ တိုက်စစ်မှူး ရောဘတ် လီဝမ်ဒေါစကီးရဲ့ နေရာမှာ အစားထိုးဝင်ရောက်ဖို့ အကောင်းဆုံး ကစားသမား ဖြစ်လာခဲ့ပါတယ်။ ကတ်တာလန် ကလပ် ကလည်း ဒီ သဘောတူညီချက်ကို လက်လွှတ်ခံလိုခြင်း မရှိကြောင်း Fichajes က ဖော်ပြပါတယ်။
ဘာစီလိုနာ မန်နေဂျာ ဟန်ဆီ ဖလစ်ခ် ကတော့ ညာနောက်ခံလူ ဂျူးလ်စ် ကွန်ဒေး အပေါ် ယုံကြည်မှု ကျဆင်းနေတယ်လို့ သိရပါတယ်။ ဒါကြောင့် လာလီဂါ ကလပ်က ကမ်းလှမ်းမှုတွေ ရရှိပါက ယူရို သန်း ၃၀ လောက်နဲ့ ထွက်ခွာခွင့်ပြုဖို့ အဆင်သင့် ရှိနေသည်။ တစ်ဖက် မှာလည်း ခရစ္စတယ်ပဲလေ့စ်က ဒန်နီရယ် မူနော့ဇ်ကို ပြင်သစ် ကစားသမားရဲ့ နေရာမှာ အစားထိုးဖို့ ပစ်မှတ်ထားနေကြောင်း El Nacional က ဖော်ပြပါတယ်။
ယနေ့မနက် အစောပိုင်းက ကစားခဲ့တဲ့ ဘာစီလိုနာ နဲ့ အိုဆာဆူနာ တို့ရဲ့ ပွဲစဉ်မှာ ရာဖင်ညာရဲ့ သွင်းဂိုး ၂ ဂိုး နဲ့အတူ ဘာစီလိုနာတို့ ၂ ဂိုးပြတ်နဲ့ အနိုင်ရခဲ့ပါတယ်။ လေဗာကူဆင် ကလည်း ကိုလုံးကို ၂ ဂိုးပြတ် အနိုင်ရခဲ့သလို ပီအက်စ်ဂျီ ကလည်း မိန့်ဇ်ကို ၂-၃ နဲ့ အသီးသီး အနိုင်ရခဲ့ပါတယ်။ ဘာစီလိုနာ နည်းပြ ဖလစ်ခ် ကတော့ အိုဆာဆူနာကို အနိုင်ရခဲ့ပြီးနောက် အကယ်ဒမီထွက် ကစားသမားတွေရဲ့ ကြိုးစား အားထုတ်မှုတွေကို ချီးကျူးသွားခဲ့ပါတယ်။
လစ်ဗာပူးလ် နာမည်ကျော် တိုက်စစ် ကစားသမား မိုဟာမက် ဆာာလာဟာ ဘရိုက်တန်နဲ့ ပွဲမှာ လူစားဝင် ကစားပြီး ပရီးမီးယားလိဂ် သမိုင်းဝင် စံချိန် တစ်ခု ပိုင်ဆိုင်ခဲ့ပါတယ်။ ဂိုးဖန်တီးပေးခဲ့တဲ့ ဆာလာဟာ လစ်ဗာပူးလ် ကစားသမားဘ၀ ပွဲပေါင်း ၃၀၂ ပွဲမှာ သွင်းဂိုး ပါဝင် ပတ်သက်မှု ၂၇၇ ဂိုး အထိ ရှိလာပြီး မန်ချက်စတာယူနိုက်တက် ဂန္ထဝင် ဝိန်း ရွန်နီကို ကျော်ဖြတ်ပြီးတော့ ပရီးမီးယားလိဂ် ကလပ် တစ်သင်း အတွက် သွင်းဂိုး ပါဝင် ပတ်သက်မှု အများဆုံး ကစားသမား အဖြစ် စံချိန်တင်နိုင်ခဲ့ပါတယ်။
ဆာလာဟာ လစ်ဗာပူးလ် အတွက် ၁၈၈ ဂိုး သွင်း၊ ဂိုးဖန်တီးမှု ၈၉ ကြိမ် ပြုလုပ်ခဲ့ပြီး ရွန်နီ ကတော့ ယူနိုက်တက် ကစားသမား ဘဝမှာ ၁၈၃ ဂိုးသွင်း၊ ဂိုးဖန်တီးမှု ၉၃ ကြိမ် ပြုလုပ်ခဲ့တာ ဖြစ်ပါတယ်။ ဒါ့အပြင် ဆာလာဟာ ပရီးမီးယားလိဂ် ကစားသမား ဘဝမှာ သွင်းဂိုး ပါဝင် ပတ်သက်မှု ၂၈၀ ဂိုး အထိ ရှိလာပြီ ဖြစ်လို့ ရွန်နီ (၃၁၁ ဂိုး)၊ အလန်ရှီးယား (၃၂၄ ဂိုး) တို့ရဲ့ နောက် တတိယ အများဆုံး အဖြစ် ရပ်တည်နေပါတယ်။ ပွဲအပြီးမှာ ဆာလာက လစ်ဗာပူးလ် ပရိသတ်တွေကို နှုတ်ဆက်ခဲ့ပြီး အခုပွဲ အပြီးမှာ အာဖရိကနိုင်ငံများဖလား ပြိုင်ပွဲ ဆင်နွှဲဖို့ အီဂျစ် လက်ရွေးစင် အသင်းနဲ့ သွားရောက် ပူးပေါင်းရတော့မှာ ဖြစ်လို့ အခုပွဲက အီဂျစ်သားရဲ့ လစ်ဗာပူးလ် ကစားသမားဘ၀ နောက်ဆုံးပွဲ ဖြစ်လာမလား ဆိုတာ စောင့်ကြည့်ရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
