ဒီကနေ့ ညနေခင်းအထိ ရရှိထားသမျှ ပရီးမီးယားလိဂ် အပါအဝင် ထိပ်သီးလိဂ်တွေရဲ့ နောက်ဆုံးရ သတင်းတွေကို SBOTOP ပရိသတ်တွေ အတွက် ဖော်ပြပေးလိုက်ပါတယ်။
ပရီးမီးယားလိဂ် ထိပ်သီး လစ်ဗာပူးလ်ဟာ မိုဟာမက် ဆာလာရဲ့ နေရာကို အကောင်းဆုံး အစားထိုးဖို့ အတွက် မိုက်ကယ် အိုလစ်ဆီကို ပေါင် ၁၄၈.၃ သန်း နဲ့ ကမ်းလှမ်းဖို့ ပြင်ဆင်နေပါတယ်။ ဒီပမာဏဟာ မယုံနိုင်စရာကောင်းလောက်အောင် များပြားလွန်းတာကြောင့် ယခင်က လက်မလွှတ်နိုင်ဘူးလို့ သတ်မှတ်ထားတဲ့ အိုလစ်ဆီကို ရောင်းချဖို့ ဘေယန်မြူးနစ် ဘက်က စဉ်းစားလာနိုင်တယ်လို့ သိရပါတယ်။
နယူးကာဆယ် ကွင်းလယ်လူ ဆန်ဒရို တိုနာလီကို ဒီနွေရာသီမှာ ခေါ်ယူချင်တယ် ဆိုရင် ပြောင်းရွှေ့ကြေး ပေါင် သန်း ၈၀ ပေးရမယ်လို့ အာဆင်နယ်နဲ့ မန်ချက်စတာယူနိုက်တက် တို့ကို အကြောင်းကြားထားပါတယ်။ တိုနာလီ ကတော့ စီးရီးအေကို ပြန်ဖို့ထက် ပရီးမီးယားလိဂ်မှာ ဆက်ရှိနေချင်သူ ဖြစ်ပါတယ်။
မန်စီးတီး အသင်းခေါင်းဆောင် ဘာနာဒို ဆေးလ်ဗားကို စာချုပ်သက်တမ်းကုန်ဆုံးချိန်မှာ အလွတ် ပြောင်းရွှေ့ကြေးနဲ့ ခေါ်ယူဖို့ ဂျူဗင်တပ်စ်ရဲ့ ကြိုးပမ်းမှုဟာ ချန်ပီယံလိဂ်ဝင်ခွင့် ရ၊ မရ ပေါ်မှာပဲ မူတည်နေပါတယ်။ ဂျူဗင်တပ်စ် အနေနဲ့ စီးရီးအေရဲ့ အဆင့် (၄) အတွင်း မဝင်ခဲ့ရင် ဆေးလ်ဗားက တခြား အသင်းတွေ ကိုပဲ ဦးစားပေး ရွေးချယ်သွားမှာ ဖြစ်ပါတယ်။
အာဆင်နယ် တိုက်စစ်မှူး ဂါဘရီရယ် ဂျေဇုစ်ကို အေစီမီလန်နဲ့ ဂျူဗင်တပ်စ် တို့က မျက်စိကျနေကြပါတယ်။ အာဆင်နယ် ကလည်း သူ့ကို ဒီနွေရာသီမှာ ပေါင် သန်း ၃၀ ရရင် အသင်း ကနေ ထွက်ခွာခွင့်ပြုမှာ ဖြစ်ပါတယ်။
နော့တင်ဟမ်ဖောရက်စ်ရဲ့ နောက်ခံလူ နီကို ဝီလီယံကို ခေါ်ယူဖို့ မန်ချက်စတာယူနိုက်တက်က လျှို့ဝှက် စုံစမ်းနေပါတယ်။ သူ့ကို အက်စတွန်ဗီလာ၊ နယူးကာဆယ်နဲ့ အဲဗာတန်တို့ ကလည်း စိတ်ဝင်စားနေကြပေမယ့် ဖောရက်စ် ကတော့ အသင်းမှာပဲ ဆက်ထိန်းထားချင်နေပါတယ်။
မန်စီးတီး ကနေ နည်းပြ ပပ် ဂွါဒီယိုလာ ထွက်ခွာတော့မယ် ဆိုတဲ့ စိုးရိမ်မှုတွေ မြင့်တက်နေတာကြောင့် ယော့စကို ဂဗာဒီယိုလ်ရဲ့ အေးဂျင့်တွေက သူတို့ ကစားသမား အတွက် အသင်းသစ် ရှာဖွေတဲ့ အနေနဲ့ ရီးရဲလ်မက်ဒရစ် အသင်းဆီ ကမ်းလှမ်းမှုတွေ ပြုလုပ်ခဲ့ပါတယ်။ ဒီကမ်းလှမ်းမှု အပေါ် ရီးရဲလ်မက်ဒရစ် ဘက်ကလည်း ဂဗာဒီယိုလ် အတွက် ပေါင် ၆၁.၁ သန်း (ယူရို သန်း ၇၀) အထိ ပေးချေဖို့ ဆန္ဒရှိနေပါတယ်။
ချဲလ်ဆီးရဲ့ နည်းပြသစ် ဇာဘီ အလွန်ဆို အနေနဲ့ ဒီနွေရာသီ အသင်းကို ပြန်လည် တည်ဆောက်ရေးမှာ အတွေ့အကြုံရင့် ကစားသမားတွေကို အဓိက ပစ်မှတ်ထားနေပါတယ်။ သူဟာ ဆန်းဒါးလန်း ဂိုးသမား ရိုဘင် ရုက်ဖ်ကို အသင့်တော်ဆုံး ကစားသမား အဖြစ် ခေါ်ယူဖို့ တွန်းအားပေးနေသလို၊ ချဲလ်ဆီး အသင်းက ရေရှည်ပစ်မှတ်ထားနေတဲ့ အေစီမီလန် ဂိုးသမား မိုက်ခ် မိုက်ဂ်နွန် ကိုလည်း စိတ်ဝင်စားနေဆဲ ဖြစ်ပါတယ်။
အလီဆွန်ရဲ့ အနာဂတ်က လစ်ဗာပူးလ် အသင်းရဲ့ လက်ထဲမှာပဲ ရှိနေပါတယ်။ အသင်း သမိုင်းတစ်လျှောက် ဈေးအကြီးဆုံး ဖြစ်ခဲ့တဲ့ ဒီဂိုးသမားကို ၂၀၂၇ မှာ စာချုပ်မကုန်ဆုံးခင် လစ်ဗာပူးလ်က ရောင်းချဖို့ ငြင်းဆန်ခဲ့ရင် သူက အသင်းမှာပဲ ဆက်ရှိနေမှာပါ။ ဒါပေမယ့် လစ်ဗာပူးလ် ကသာ လမ်းခွဲဖို့ ဆုံးဖြတ်ခဲ့ရင် ချန်ပီယံလိဂ် ဝင်ခွင့် ရသည် ဖြစ်စေ၊ မရသည် ဖြစ်စေ သူ သွားရောက်မယ့် နေရာက ဂျူဗင်တပ်စ် အသင်း ဖြစ်လာဖို့ များပါတယ်။
တီအွန် ကူ့ပ်မိုင်းနားစ် ကတော့ ဂျူဗင်တပ်စ် ကနေ လစ်ဗာပူးလ်ကို ပြောင်းရွှေ့ဖို့ “ အိမ်မက်” မက်နေသူ ဖြစ်ပါတယ်။ ဂျူဗင်တပ်စ်က သူ့အတွက် အနည်းဆုံး ပြောင်းရွှေ့ကြေး ပေါင် ၂၆.၂ သန်း (ယူရို သန်း ၃၀) လို့ သတ်မှတ်ထားပါတယ်။ တပြိုင်နက်တည်းမှာပဲ ကူ့ပ်မိုင်းနားစ်ရဲ့ အတ္တလန္တာ နည်းပြဟောင်း ဂတ်စီဲရီနီ ဦးဆောင်နေတဲ့ ရိုးမား ကလည်း သူ့ကို ခေါ်ယူဖို့ စိတ်ဝင်စားနေပါတယ်။
နယူးကာဆယ်ဟာ အသင်းရဲ့ တိုက်စစ်ပိုင်း ကစားသမားတွေ ထွက်ခွာသွားနိုင်မှုကို ကာမိစေဖို့ အတွက် ဝက်စ်ဟမ်း အသင်းခေါင်းဆောင် ဂျရော့ဒ် ဘိုဝင်ကို ခေါ်ယူဖို့ မျက်စိကျနေပါတယ်။
တော့တင်ဟမ်ဟော့စပါးရဲ့ ကွင်းလယ်လူ ကော်နာ ဂယ်လာဟာဟာ ဒီနွေရာသီမှာ အဲဗာတန်ရဲ့ ခေါ်ယူမယ့် ပစ်မှတ် ကစားသမား တစ်ဦး ဖြစ်လာခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
